Temir yo‘ldan foydalanish ishlarini boshqarish o`quv laboratoriyasi

21.02.2023 O‘quv laboratoriyalari

“Temir yo‘ldan foydalanish ishlarini boshqarish” kafedrasi mudiri S.K.Xudayberganov rahbarligida 2011 yilda laboratoriya bazasi yangidan modernizatsiya qilindi. Laboratoriya bazasi asosida transportda tashishni tashkil etish va boshqarish bo'yicha o'quv markazi tashkil etildi.

“Temir yo‘ldan foydalanish ishlarini boshqarish” kafedrasi mudiri S.K.Xudayberganov rahbarligida 2011 yilda laboratoriya bazasi yangidan modernizatsiya qilindi. Laboratoriya bazasi asosida transportda tashishni tashkil etish va boshqarish bo'yicha o'quv markazi tashkil etildi. Laboratoriya markazini yaratish kontseptsiyasi yangi innovatsion texnologiyalardan foydalangan holda ishlab chiqilgan va o'qitish usullarini birlashtirish g'oyasiga asoslangan hamda ixtisoslashtirilgan imitatsion trenajordan foydalangan holda poezdlar harakatini tashkil etish sohasidagi turli toifadagi talabalarni kasbiy bilim va ko'nikmalarga ega bo’lishi uchun mo'ljallangan. Buning asosiy maqsadi talabalarni o'qitish samaradorligini oshirish hamda ularning temir yo'llar ishlarini tezkor-dispetcherlik xodimlari ishlaydigan sharoitlarga yaqinlashtirish edi.

“Temir yo‘ldan foydalanish ishlarini boshqarish” kafedrasida  kadrlar tayyorlanayotgan 5620100-Tashishlarni tashkil etish va transport logistikasi (temir yo‘l transporti), 5620100-Transport logistikasi (temir yo‘l transporti), 60713200 – Transportda tashishni tashkil etish va boshqarish (temir yo‘l transporti) bakalavr ta’lim yo‘nalishlarida ikkita “Temir yo‘ldan foydalanish ishlarini boshqarish”, “Temir yo‘l uchastkalari va yo‘nalishlari ishini boshqarish texnologiyasi” fanlaridan va 70713201 – “Transportda tashishni tashkil etish va boshqarish (temir yo‘l transporti)”, 71040101 – “Transport logistikasi (temir yo‘l transporti)”, 71040301 – “Harakat xavfsizligi va uni tashkil etish (temir yo‘l transporti) magistratura  mutaxassisliklarida “Tеmir yo‘l transportida tashishni tashkil etish va boshqarish” fanidan Rossiya Federatsiyasida ishlab chiqilgan stansiya navbatchisi-poyezd dispetcheri (DSP-DNS) o‘quv trenajerida laboratoriya mashg‘ulotlari o‘tkazilib kelinadi. Shu bilan birga “Temir yo‘l transportida boshqarishning avtomatlashtirilgan tizimlari” fanidan “Winterm” dasturi asosida laboratoriya ishlari olib boriladi. 
O’zbekiston Respublikasi Prezidentining PQ-2909-sonli qarori doirasida 2019/2021 yillar davomida Osiyo Taraqqiyot banki tomonidan moliyalashtirilgan “NPP RU-Engineering LLC” kompaniyasining “Saralash stansiyasinig ish texnologiyasi” dasturiy vositasi xarid qilingan va o’quv dasturiga yangi laboratoriya mashg‘ulotlariga kiritilgan.
Laboratoriya mashg’ulotidagi darslar ish o'yinlari shaklida o'tkaziladi. "Transport tizimlari boshqaruvi" fakulteti talabalari poezd dispetcheri boshchiligidagi jadvalga muvofiq stantsiyalar va uchastkalarda poezdlar harakatini boshqarishning asosiy bilim va ko'nikmalariga ega bo'ladilar. Stansiya navbatchilarining rolini 2-3 kurs talabalari, poezd dispetcherlarining rolini yuqori kurs talabalari bajaradilar. Shu bilan birga, “O’zbekiston temir yo'llari” AJda qo'llaniladigan ko'rsatmalar va qoidalarga rioya qilinadi.

O’quv jarayoniga tadbiq etilgan innovatsion laboratoriya ishlari  o'qitishning zamonaviy asoslari va vazifalarini amalga oshirishga imkon beradi:
- bekat navbatchisi(DSP), poyezd dispetcheri (DNS), yuk kassiri (TVK) va boshqalarning ish joylarida dastlabki kasbiy ko'nikmalarni olish  
- muayyan nostandart vaziyatlarda ishlash ko'nikmalariga ega bo'lish ( SSB va aloqa qurilmalarining nostandart holatlarini, shuningdek stantsiyalarda shartli favqulodda vaziyatlarni sun'iy ravishda yaratish mumkin).  

Imitatsion trenajor dasturi quyidagi vazifalarni amalga oshirishga imkon beradi:
- normal ish sharoitda ish hujjatlarini yuritishni modellashtirish; 
- SSB qurilmalari ishlamay qolganda poyezdlar harakatini tashkil etish ishlarini modellashtirish; 
- telefon aloqalariga o'tish ishlarni modellashtirish; 
- nogabarit  va uzun tarkibli poezdlarni o'tkazib yuborishni modellashtirish;
- bajarilgan harakat grafigini avtomatik tarzda ko’rish; 
- avtomatlashtirilgan saralash stansiyasini tepaligini ishini imitatsiya qilish; 
- joriy vaqtni ko'rsatish; poezd raqami, vagonlar soni, lokomotiv turi va raqamini ko'rsatish; 
- poyezdning virtual natura varag’idan foydalanish.
Laboratoriya kompleksi temir yo'l peregonlari bilan bog'langan 10 ta stantsiya va 3 ta dispetcherlik boshqaruv doirasidan iborat. U turli xil signalizatsiya va aloqa vositalari bilan jihozlangan. Saralash stantsiyasi tepaligi imitatsion trenajori poezdlar harakatini boshqarishning umumiy tizimiga kiritilgan bo’lib u real vaqtda poezdlarni tarqatishga imkon yaratadi.
Barcha ish joylari telefon aloqasi bilan jihozlangan.

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi