Xalqaro hamkorlik

07.07.2024 Xalqaro hamkorlik

Toshkent davlat transport universitetida Xitoy Xalq Respublikasi Taʼlim vaziri bilan uchrashuv bo‘lib o‘tdi

Joriy yilning 7-iyul kuni Toshkent davlat transport universitetida  Xitoy Xalq Respublikasi Taʼlim vaziri Xuay Szinpen bilan uchrashuv boʻlib oʻtdi. 
Xitoy Xalq Respublikasi Taʼlim vaziri Xuay Szinpen universitetda tashkil etilgan Lu Ban ustaxonasi hamda Markaziy Osiyoda yagona bo‘lgan Qurilish amaliyoti bo‘yicha Xitoy-O‘zbekiston innovatsion loyihasi (EPIP) doirasidagi tadqiqot va ta’limni rivojlantirish markazi va ularning faoliyati, ta’lim olayotgan talabalar bilan tanishdi. 
Suhbat davomida Toshkent davlat transport universiteti rektori universitet tarixi, ta’lim tizimi, mavjud ilmiy salohiyat, xalqaro hamkorlik va kelgusi rejalar haqida ma’lumot berib o‘tdi. Shuningdek, so‘ngi yillarda Oʻzbekiston va XXR o‘rtasidagi keng ko‘lamli hamkorlik yildan-yilga rivojlanib borayotganini ta’kidladi. 
Xitoy Xalq Respublikasi Taʼlim vaziri Xuay Szinpen universitetda ochilgan Lu Ban ustaxonasi va uning faoliyati, markazda o‘qiyotgan talabalarning bilimi, qat’iyatini e’tirof etdi. Kelgusida Oʻzbekiston va XXR oliygohlari oʻrtasida taʼlim, ilm-fan va innovatsiyalar sohasida hamkorlikni rivojlantirish, qoʻshma taʼlim dasturlari, stajirovkalarni tashkil etish masalalari haqida fikr almashildi.  
Uchrashuv natijalariga ko‘ra universitet rektori Odil Abduraxmanov tomonidan bir nechta takliflar ilgari surildi. Jumladan:
1. Toshkent davlat transport universitetida Xitoyning yetakchi oliygohlari Janubiy-Gʻarbiy Szyaotun universiteti(ARWU jahon reytingida 401-500 o‘rin), Pekin Szyaotun universiteti (501-600 o‘rin), Changan universiteti (501-600 o‘rin) bilan qo‘shma fakultet tashkil etib, unda transport va logistika, qurilish va injiniring yo‘nalishlari bo‘yicha qo‘shma ta’lim dasturlarini joriy etish;
2. “Luban ustaxonasi”da IT, transport va logistika bo‘yicha ilmiy-tadqiqot loyihalarini ishlab chiqish va tijoratlashtirish, ilmiy-innovatsion ekotizimini yaratish uchun Xitoyning yetakchi ishlab chiqarish korxonalari (“China Energy International Group Central Asia Co”, “China Railway Tunnel Group Co”, “China road and bridge corporation”, “Trans-Asia Gas Pipeline”) bilan hamkorlikda universitet qoshida texnopark tashkil etish;
3. Universitetda “Luban ustaxonasi”ni tashkil etish loyihasi doirasida 20 nafar bitiruvchi kurs magistratura talabalari va 5 nafar professor-o‘qituvchilarni Xitoyga stajirovkaga yuborish hamda ushbu sohalarda kadrlar tayyorlovchi boshqa respublika oliygoh talaba va izlanuvchilariga ham mazkur laboratoriyalardan foydalanish imkoniyatini yaratish;
4.  Toshkent davlat transport universitetida ochilgan “Luban” ustaxonasi boshchiligida boshqa oliy va professional ta’lim muassasalarida hududiy bo‘limlarini tashkil etish.
5. “Ta’lim – ilm-fan – ishlab chiqarish” integratsiyasini ta’minlash maqsadida Xitoyning oliy va ilmiy ta’lim muassasalari hamda ishlab chiqarish korxonalari ishtirokida O‘zbekiston va Xitoy ilm-fan va ishlab chiqarish innovatsion forumini  muntazam tashkil etish.
Uchrashuv so‘ngida Tyantszin provinsiyasi munitsipial ta’lim komissiyasi rahbari o‘rinbosari tomonidan EPIP tadqiqot va targ‘ibot markazi Lu Ban seminari bosh eksperti sertifikati universitet rektoriga taqdim etildi.
Ma’lumot uchun: O‘zbekiston Respublikasi Prezidenti Administratsiyasining 2023-yil 13-apreldagi №02-RA 2-1942-sonli topshirig‘iga muvofiq Toshkent davlat transport universiteti qoshida pilot loyiha asosida “Lu Ban ustaxonasi”ni tashkil etish belgilangan. Loyihaning birinchi bosqichi - “IT laboratoriyasi”ning faoliyati joriy yilning 20-yanvar kuni yo‘lga qo‘yilgan bo‘lib, talabalarga sun’iy intellekt texnologiyalarini qo‘llashni o‘rgatish, transchegaraviy elektron kommersiya bo‘yicha bilim va ko‘nikmalarni shakllantirish, transport sohasini raqamlashtirish bo‘yicha ilmiy loyihalarni ishlab chiqish vazifalarini qamrab olgan. Bugungi kunda loyihaning ikkinchi bosqichi - “Logistika bo‘yicha ilmiy amaliy laboratoriyasi”ning qurilish-ta’mirlash ishlari bilan bog‘liq hujjatlashtirish jarayoni amalga oshirilmoqda.











Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi