O‘zbek-Fransuz 3DEXPERIENCE markazi

29.04.2023 Ilm-fan

Toshkent davlat transport universitetida O‘rta Osiyodagi ilk “O‘zbek-Fransuz 3DEXPERIENCE markazi” ochildi

O‘zbekiston Respublikasi Prezidentining 2019-yil 8-oktabrdagi “O‘zbekiston Respublikasi oliy taʼlim tizimini 2030-yilgacha rivojlantirish konsepsiyasini tasdiqlash to‘g‘risida”gi PF-5847-sonli Farmoni, 2017-yil 20-apreldagi “Oliy taʼlim tizimini yanada rivojlantirish chora-tadbirlari to‘g‘risida”gi PQ-2909-sonli Qarori hamda 2020-yil 4-maydagi “Transport sohasida kadrlar tayyorlash tizimini tubdan takomillashtirish chora-tadbirlari to‘g‘risida”gi PQ-4703-sonli Qarori ijrosini taʼminlash maqsadida 2022-yil 5-iyul kuni Fransiyaning  Dassault Systèmes kompaniyasi bilan o‘zaro anglashuv memorandumi imzolangan edi.



Eslatib o‘tamiz, Dassault Systèmes kompaniyasi 3D dizayn yechimlari, elektron modellar va mahsulotning raqamli hayotiy siklini boshqarish, shuningdek sanoat sohasidagi innovatsion yechimlar, ishlab chiqarishni loyihalash va texnologik tayyorlash, kompaniya ishini avtomatlashtirish bosqichlarida qo‘llaniladigan 3DEXPERIENCE platformasi va SOLIDWORKS dasturiy taʼminotlarini ishlab chiqadi.
Memorandumga ko‘ra, universitet qoshida avtomobilsozlik, aerokosmik, robototexnika, temir yo‘l va boshqa sohalarda foydalanish uchun integratsiyalashgan va murakkab tizimlarni modellashtirish, raqamlashtirish, mavjud sanoat mahsulotlari va xizmatlarini optimallashtirishga qaratilgan “O‘zbek-Fransuz 3DEXPERIENCE markazi”ni tashkil etish ko‘zda tutilgan.



Memorandum imzolanish jarayonida Fransiyaning O‘zbekistondagi favqulodda va muxtor elchisi Aurelia Bushez xonim hamda Dassault Systèmes kompaniyasi vitse-prezidenti Jak Beltran ishtirok etishgan. Ushbu kompaniya bilan birgalikda O‘zbekistonda ilk bor tashkil etiladigan markaz O‘zbekiston va Fransiya munosabatlarini yanada yuqori bosqichga ko‘tarishda muhim ahamiyatga egaligi ta’kidlangan.  



Joriy yilning 19-aprel kuni universitet qoshida Fransiyaning Dassault Systèmes kompaniyasi bilan hamkorlikda, belgilangan rejaga muvofiq O‘rta Osiyoda ilk “O‘zbek-Fransuz 3DEXPERIENCE markazi”ning tantanali ochilish marosimi bo‘lib o‘tdi. Mazkur tadbirda Fransiyaning O‘zbekistondagi favqulodda va muxtor elchisi Aurelia Bushez xonim hamda O‘zbekiston Respublikasi Transport vazirining o‘rinbosari Choriyev Jasurbek Ergashevich ishtirok etdilar. 
Maʼlumot uchun, ushbu markazda Dassault Systèmes kompaniyasining rasmiy litsenziyasiga ega 3DEXPERIENCE platformasi yordamida professor-o‘qituvchilar, doktorantlar, yosh izlanuvchilar, talabalar tomonidan avtomobilsozlik, aerokosmik, robototexnika, temir yo‘l va boshqa sohalarda foydalanish maqsadida integratsiyalashgan va murakkab tizimlarni modellashtirish, raqamlashtirish, mavjud sanoat mahsulotlari va xizmatlarini optimallashtirishga qaratilgan yangi innovatsion g‘oyalarini amalga oshirish uchun keng imkoniyatlar yaratildi. 



Bundan tashqari, Aureliya Bushez xonim ko‘magida yangi o‘quv yilidan boshlab, ushbu markazga Fransiyadan 3DEXPERIENCE platformasida  mukammal ko‘nikmalarga ega yuqori malakali professor-o‘qituvchilarning taklif etilishi rejalashtirilgan.

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi