Xalqaro e'tirof

30.05.2023 Ilm-fan

Xalqaro reytinglar bilan ishlash bo‘limi mutaxassisining maqolasi xalqaro ekspertlar tomonidan e’tirof etildi

2023-yilning 23-24-aprel kunlari Toshkent shahrida IREG Xalqaro reytinglar bo‘yicha ekspertlar guruhi bilan hamkorlikda “IREG – 2023: аkademik reytinglar” xalqaro anjumani o‘tkazildi. Mazkur tashkilot xalqaro reytinglar bo‘yicha ekspertlar guruhidan tashkil topgan bo‘lib, akademik reytinglarni joriy etuvchi xalqaro va mahalliy tashkilotlarni hamda dunyodagi ilg‘or universitetlarni birlashtiradi. Xalqaro anjumanda “QS”, “Webometrics” va "GreenMetrics" kabi dunyoning nufuzli xalqaro reyting tashkilotlari rahbarlari, Kanada, Braziliya, Germaniya, Niderlandiya, Vengriya, Ruminiya, Polsha, Xitoy, Singapur, Turkiya, Saudiya Arabistoni, Qatar, BAA, Qozog‘iston, O‘zbekiston hamda dunyoning ko‘plab davlatlaridagi nufuzli universitetlar rektorlari hamda reytingga aloqador ekspertlardan iborat jami 200 nafarga yaqin vakillar ishtirok etishdi. Qayd etish joizki, bu kabi tadbirlarning o‘tkazilishi O‘zbekiston yetakchi oliy ta’lim muassasalarining nufuzli xalqaro reytinglarda yuqori o‘rinlardan joy olishi hamda xalqaro reyting tashkilotlari rahbarlari va ekspertlari bilan to‘g‘ridan-to‘g‘ri aloqa o‘rnatishlariga xizmat qiladi. 
IREG Observatoriyasi Prezidenti Waldemar Siwinski, Oliy ta’lim, fan va innovatsiyalar vazirining birinchi o‘rinbosari Komiljon Karimov, Kanadalik xalqaro ekspert, Oliy ta’lim strategiyalari assotsiatsiyasi prezidenti Alex Usher universitetimizning Xalqaro reytinglar bilan ishlash bo‘limi bosh mutaxassisi Shoxabiddinova Layloning LinkedIn ijtimoiy tarmog‘idagi postiga iqtibos keltirdi. Bu esa dunyodagi minglab ekspertlar tomonidan universitetimiz nomining e’tirof etilishini ta’minlab, uning nufuzini oshirishga ulkan hissa qo‘shadi.
Laylo Shoxabiddinovaning maqolasiga keltirilgan iqtibos bilan quyidagi havola orqali tanishishingiz mumkin: https://www.universityworldnews.com/post.php?story=20230519155707244&fbclid=IwAR05JpEJR5oKssn_L_ZkcA0nWHIdDvWulLWu2w45BuriOSLF27FHAXwH-k

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi