Nogironligi bo’lgan shaxslar bilan ishlash bo'limi

15.09.2022 Yangiliklar

Toshkent davlat transport universiteti Nogironligi bo’lgan shaxslar bilan ishlash bo'limi

Yoshlar ishlari bo‘yicha prorektorga bo‘ysunuvchi Nogironligi bo‘lgan shaxslar bilan ishlash bo‘limi (NSHIB) barcha talabalar uchun teng kirish va inklyuzivlikni kafolatlashni o‘z oldiga maqsad qilib qo‘ygan.Bundan tashqari, ushbu bo’lim O’zbekiston Respublikasi Prezidentining nogiron shaxslarga qaratilgan siyosatlari hamda universitet rektori tomonidan e’lon qilingan maxsus nizomda belgilangan ko'rsatmalarga muvofiq, barcha fuqarolar uchun tenglikni yanada qo'llab-quvvatlovchi va barqaror universitet qurishda hamkorlik qilishni o’z oldiga bosh maqsad qilib olgan.Bo'lim talabalarning quyidagi yo'nalishlar bo'yicha ehtiyojlariga javob beradi:
Ma'lumot, maslahat va yo'l-yo'riqlar olish va volontyorlar xizmatidan foydalanish.
1. Teng imkoniyatlar (barcha fuqarolar teng huquqli ekanligini amalda ko’rsatish va ijtimoiy barqarorlikka erishish).
2. Maxsus treninglar, to’garaklar va klublarda nogironlar uchun sharoitlar yaratish va ularning holidan doimiy boxabar bo’lish.
3. Universal imkoniyatlar (umumiy foydalanishdagi kutubxona, oshxona, yuvinish xonalari, hojatxonalar va boshqa bir qator ijtimoiy-madaniy muassasalarda nogironlar uchun imkoniyatlarni kengaytirish).
Ushbu bo’lim O’zbekistonning 300 ga yaqin universitetlari bilan bir qatorda nogironlarni qo'llab-quvvatlash xizmatlarining ichki tarmog'ini tashkil qiladi. 
Nogironligi bo’lgan shaxslarga ko’rsatiladigan xizmatlar
1. Universitetga kirishdan oldin: Universitetga qabul qilinishda Oliy ta’lim, fan va innovatsiyalar vazirligi huzuridagi Bilim va malakalarni baholash agentligining maxsus test sinovlarini topshirish uchun alohida qabul kvotalariga ega bo’lishadi. Davlat granti asosida qabul qilingan taqdirda hech qanday to’lov undirilmaydi. To’lov-shartnoma asosida qabul qilinganda esa Talabalarni ijtimoiy himoya qilish va moliyaviy qo’llab-quvvatlash jamg’armasi hisobidan zarur moliyaviy yordam ko’rsatiladi. Buning uchun ular my.gov.uz platformasida yetarli darajada hujjatlarini to‘ldirishlari kerak.
2. Talabaning universitetda bo'lish davrida: Toshkent davlat transport universiteti o'qishga kirgan talabalarning nogironligidan kelib chiqadigan o'ziga xos ehtiyojlarni qondirish uchun doimiy tarzda moliyaviy ko’mak ko’rsatib keladi.
3. Grantlar va stipendiya dasturlari: Toshkent davlat transport universiteti stipendiyalari va grantlari manbalariga qo'shimcha ravishda, 2025-yildan boshlab nogiron talabalar uchun alohida stipendiyalar va grantlar ajratishni rejalashtirilgan. Quyidagilarni alohida ko'rsatish mumkin:
- O’zbekiston Respublikasi Prezidenti stipendiyasi;
- Islom Karimov nomli davlat stipendiyasi; 
- Beruniy nomli davlat stipendiyasi;
- Navoiy nomli davlat stipendiyasi;
- Maqsud Shayxzoda nomidagi maxsus stipendiya
- A’loxon stipendiyasi;
- Qodirov stipendiyasi;
4. Kutubxona xizmatlaridan foydalanish mumkin: Toshkent davlat transport universiteti kutubxona xizmatlari maxsus ehtiyoji bo'lgan foydalanuvchilarga o'zlari uchun mavjud resurslarga kirish va ulardan foydalanishni osonlashtirish uchun shaxsiylashtirilgan xizmatni taklif qiladi. Ushbu xizmatlardan foydalanishda hayotda qiyinchiliklarga duch kelgan, eshitish, ko'rish yoki boshqa bir harakatlari cheklangan bo'lgan yoki kasalxonada uzoq vaqt qolishga majbur bo’lgan fuqarolar murojaat qilishlari mumkin.
5. Mobillik xalqaro dasturlari: Toshkent davlat transport universitetining xalqaro hamkorlik boshqarmasi va mahalliy universitetlarning mas’ul vakillari bilan birgalikda talabaga O’zbekiston hududida ham, chet elda ham o'qish davrida kerak bo'lishi mumkin bo'lgan yordam, resurslar va boshqa tashkiliy masalalarga yechim topish uchun ishlaydi.
6. Ish bilan ta'minlash darajasi dasturlari: Nogironligi bo‘lgan shaxslar bilan ishlash bo‘limi talabalar va bitiruvchilarni ishga jalb etish va ularni mehnat munosabatlari bilan qamrab olish bo’yicha quyidagi tadbirlarni amalga oshiradi: U universitetning Karyera xizmatlari bilan ish va amaliyot takliflarini muvofiqlashtiradi. Nogironligi bo'lgan talabalarni maxsus kelishuv asosida stajirovka o'tashlari va keyinchalik ishga takliflar haqida xabardor qilib boradi, nogironligi bo’lgan shaxslar universitet talabalarining tashqi amaliyot dasturlarida ishtirok etishi uchun barcha imkoniyatlarni ishga soladi. Imkoniyati cheklangan talabalarni stajirovkalar va universitet jamg'armasi orqali keladigan ish takliflari haqida xabardor qiladi.

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi