Asia Trans Gas qo‘shma korxonasi universitetimizga homiylik qiladi

09.09.2023 Xalqaro hamkorlik

“Asia Trans Gas” qo‘shma korxonasi universitetimizga 30 ming AQSh dollariga teng texnik jihozlar olishda homiylik qiladi

Xalqaro hamkorlikni rivojlantirish maqsadida universitetimiz yirik xalqaro tashkilotlar va dunyoning 30 dan ortiq davlatlarida joylashgan nufuzli universitetlar bilan aloqa qiladi. Xususan, Xitoy Xalq Respublikasining O‘zbekistondagi tadbirkorlar uyushmasi bilan hamkorlikda “China Energy”, “Huawei” kabi korxonalari hamda yirik tashkilotlari bilan bir qator loyihalar ustida ish olib borilmoqda. 
Zamonaviy kompyuter texnologiyalari o‘quv jarayonini rivojlantirish uchun katta imkoniyatlar yaratadi. Kompyuter texnologiyalari nafaqat katta hajmdagi tayyor, qat’iy tanlangan, to‘g‘ri tashkil etilgan bilimlar bilan ta’minlashga, balki talabalarning intellektual va ijodiy qobiliyatlarini rivojlantirishga ham xizmat qiladi. 
Xalqaro hamkorlik boshqarmasining “Asia Trans Gas” (ATG) qo‘shma korxonasi bilan olib borgan muzokaralari natijasida ATG tomonidan universitetimiz talabalari o‘quv jarayonida murakkab texnik dasturiy ta’minotlardan foydalana olishini hamda  mutaxassislik yo‘nalishlariga IT sohasini joriy etish orqali ishning samaradorligini oshirishni ta’minlash, shuningdek  illyustrativ o‘qitish usulini rivojlantirish maqsadida qiymati 30 ming AQSh dollariga teng texnik jihozlar olishda homiylik qilishiga erishildi.
Ma’lumot uchun, “Bir kamar, bir yo‘l” tashabbusi doirasida O‘zbekistonda 15 yildan ortiq faoliyat olib borayotgan “Asia Trans Gas” MChJ qo‘shma korxonasi o‘zbekistonlik mutaxassislar bilan  o‘zaro hamkorlik qilib kelmoqda. Korxona tomonidan amalga oshirilayotgan O‘zbekiston-Xitoy energetika hamkorligining flagman loyihasi bo‘yicha jami 365 milliard kub metrga yaqin tabiiy gaz tashildi. ATG 1000 dan ortiq bilvosita ish o‘rinlarini taklif qilib, 650 nafar kishini uzoq muddatli va doimiy ish bilan ta’minladi.

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi