Ilmiy-amaliy hamkorlik

13.09.2023 Xalqaro hamkorlik

Xitoy Xalq Respublikasi Shensi provinsiyasining “Xitoy-O‘zbekiston ta’lim ko‘rgazmasi” doirasida universitetimiz hamkorlik kelishuvlariga erishdi

Toshkent davlat agrar universitetida bo‘lib o‘tgan “Xitoy - O‘zbekiston oliy ta’lim ko‘rgazmasi”da respublikamizning 20 dan ortiq oliy ta’lim muassasalari vakillari va talabalari ishtirok etdi. Mazkur  ko‘rgazma doirasida Xitoy Xalq Respublikasi va O‘zbekistonning qator oliy ta’lim muassasalari o‘rtasida shartnoma va memorandumlar imzolandi. Jumladan, universitetimiz Xitoyning Changan universiteti bilan hamkorlik memorandumini imzoladi.
Kelishuv doirasida talabalarning akademik almashinuvi, o‘zaro amaliy mashg‘ulotlar o‘tkazish, professor-o‘qituvchilarning malakasini oshirish, shuningdek kelgusida qo‘shma dastur yo‘nalishlarini ochish rejalashtirildi.
Toshkent davlat transport universiteti taʼlim jarayoniga oid o‘zaro manfaatdorlik, transport sohasida malakali kadrlar tayyorlash hamda hamkorlik platformasini yaratish, ilmiy-tadqiqot loyihalarini xalqaro darajada olib borish maqsadida Changan universiteti tashabbusi bilan tashkil etilayotgan “Transport infratuzilmasi sohasida iste’dodlarni tayyorlash bo‘yicha Xitoy-Markaziy Osiyo alyansi”ga ilk a’zo sifatida qo‘shilish uchun bitim imzolashga erishdi. 
Ma’lumot uchun, Shensi provinsiyasining Sian shahrida joylashgan Changan universiteti ikkita kampus va uchta o‘quv bazasiga ega, umumiy maydoni 250 gektarga teng. Mazkur universitetda 5 ta milliy eksperimental o‘quv markazi, 19 ta viloyat eksperimental o‘qitish-namoyish markazi, 2 ta milliy muhandislik laboratoriyasi, 1 ta xalqaro qo‘shma laboratoriya, 1 ta milliy amaliy matematika markazi hamda 91 ta viloyat va vazirlik darajasidagi asosiy tadqiqot bazalari mavjud. Changan universitetida 1400 dan ortiq professor va dotsentlar, 359 nafar fan doktorlari faoliyat yuritadi hamda 1056 nafar magistrlar tahsil oladi, shuningdek 25 000 dan ziyod bakalavrlar hamda 1 700 nafar xalqaro talabalar ro‘yxatdan o‘tgan.

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi