“Aviation & Logistics Forum 2023” xalqaro aviatsiya forumi

03.11.2023 Ta‘lim

Toshkent davlat transport universiteti Innovatsion transport markazi direktori “Aviation & Logistics Forum 2023” xalqaro aviatsiya forumida ma’ruza bilan ishtirok etdi

Toshkentda bo‘lib o‘tgan "Aviation & Logistics Forum 2023" xalqaro aviatsiya forumi doirasida Transport va logistikani rivojlantirish muammolarini o‘rganish markazi va BMTning Osiyo hamda Tinch okeani iqtisodiy va ijtimoiy komissiyasi hamkorligida "O‘zbekistonda quruqlik portlari va multimodal transport-logistika markazlarini rivojlantirish" mavzusida panel sessiyasi bo‘lib o‘tdi.
Sessiya ishida BMTning Osiyo hamda Tinch okeani uchun iqtisodiy va ijtimoiy komissiyasi iqtisodiy masalalar bo‘yicha mutaxassisi Fedor Kormilitsin “Quruqlik portlari” mavzusida o‘z ma’ruzasi bilan ishtirok etdi.
Shundan so‘ng, O‘zbekiston Respublikasi Transport vazirligining Transport va logistika muammolarini o‘rganish markazi direktori Bekzod Xolmatov “Mamlakatimizda quruqlik portlari talablariga javob beruvchi logistika markazlari va ular infratuzilmasini rivojlantirish masalalari” mavzusida taqdimot qildi.
Shuningdek, Bojxona qo‘mitasi boshqarma boshlig‘i Rustam Kabulov panel sessiyada so‘zga chiqib, multimodal tashishlarda bojxona tizimining o‘rni, xalqaro tashuvlarni rivojlantirish uchun yaratilayotgan sharoitlar va bojxona rasmiylashtiruv jarayonlarini raqamlashtirish borasida amalga oshirilayotgan yangiliklarga to‘xtalib o‘tdi. 
Toshkent davlat transport universiteti Innovatsion transport markazi direktori Dauren Ilesaliyev transport va logistika sohasida malakali kadrlarni tayyorlash va bunda sun’iy intellektning o‘rni haqidagi ma’ruzasi bilan qatnashdi.
D.I.Ilesaliyev taʼminot zanjirlarida quruq portlarni rivojlantirish muhimligini va ularning Oʻzbekiston logistika infratuzilmasidagi muhim rolini taʼkidladi. U zamonaviy multimodal transport-logistika markazlarini samarali boshqarish va ishlashga qodir malakali kadrlarga boʻlgan ehtiyoj haqida muhim masalani koʻtardi.
Professor D.I.Ilesaliyev  taʼlimning zamonaviy usullaridan foydalangan holda oʻqitish quruq portlar va multimodal markazlarni muvaffaqiyatli rivojlantirishning asosiy omili ekanligini taʼkidladi. Boʻlajak mutaxassislarni logistika sohasida samarali ishlash uchun zarur bilim va koʻnikmalar bilan taʼminlash uchun oʻqitish ilgʻor texnologiyalar va amaliy yoʻnalishga asoslangan boʻlishi kerak.


Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi