Davra suhbati

20.11.2023 Tadbirlar

Universitetimizda “Toshkent shahrida yo‘l harakati xavfsizligini taʼminlash, piyodalar ishtirokidagi yo‘l-transport hodisalarining oldini olish va tirbandliklarni bartaraf etish chora-tadbirlari” mavzusida davra suhbati boʻlib oʻtdi

Bugun poytaxtimiz Toshkent shahri kun sayin o‘zgarib, nafaqat mintaqaning, balki dunyoning yirik markazlaridan biriga aylanib bormoqda, urbanizatsiya, ijtimoiy-iqtisodiy va demografik jihatdan taraqqiyotga yuz tutmoqda. Biroq jahonning barcha yirik shaharlarida bo‘lgani kabi bizda ham yo‘l- transport sohasidagi tirbandlik muammosi o‘z yechimini kutayotgan masalalardan biriga aylangan.
Toshkent davlat transport universitetida Toshkent shahar IIBB boshlig‘i Aziz Tashpulatov, Toshkent shahar Xalq deputatlari kengashi a’zolari, Toshkent davlat transport universiteti rahbariyati va boshqa mutasaddilar hamda talabalar ishtirokida davra suhbati o‘tkazildi. “Toshkent shahrida yo‘l harakati xavfsizligini taʼminlash, piyodalar ishtirokidagi yo‘l-transport hodisalarining oldini olish va tirbandliklarni bartaraf etish chora-tadbirlari” mavzusida o‘tkazilgan ushbu uchrashuv qizg‘in va ko‘plab muhokamalarga sabab bo‘ldi.
Zamon talablaridan kelib chiqqan holda mavzuga nafaqat amaliy, balki ilmiy yondashuv talab etiladi. Bunda tadqiqotchi va olimlarning yangi loyiha hamda ixtirolari zarur yechim bo‘lib xizmat qilishi mumkin. Bo‘lib o‘tgan davra suhbatida professor-o‘qituvchilar, ushbu yo‘nalishda izlanish olib borayotgan ilmiy xodimlar va talaba-yoshlarning takliflari, fikr va mulohazalari eshitildi.
Tadbir davomida Toshkent shahar IIBB boshlig‘i so‘zga chiqib, universitet mutaxassislari va talabalaridan xorijiy tajribani o‘rgangan holda ilmiy yondashuv asosida poytaxtimiz ko‘cha va yo‘llarida tirbandliklarning oldini olish, piyodalar bilan sodir bo‘layotgan yo‘l-transport hodisalariga barham berish bo‘yicha hamkorlik qilishga chaqirdi.
Uchrashuv so‘nggida universitet professorlari deputatlar va amaliyotchi xodimlar bilan birga muammolarni o‘rganib, ularni ilmiy asoslangan holda hal etish choralarini ko‘rish maqsadida ishchi guruh shakllantirishga kelishib olindi.


Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi