BMT ekspertlari ishtirokida gender tengligi masalalari boʻyicha uchrashuv boʻlib oʻtdi

16.12.2023 Tadbirlar

Universitetimizda “Gender tengligini ta’minlash, qizlar va ayollarning imkoniyatlarini kengaytirish hamda gender zo‘ravonligiga javob berish” mavzusida seminar bo‘lib o‘tdi

Universitetimiz Xotin-qizlar kengashi tomonidan BMTning Aholishunoslik bo‘yicha jamg‘armasi (UNFPA) gender masalalari bo‘yicha ekspertlari taklif qilindi.
UNFPA jamg‘armasi mutaxassislari tomonidan universitetimiz talaba va xodimlari uchun «Gender tengligini ta’minlash, qizlar va ayollarning imkoniyatlarini kengaytirish hamda gender zo‘ravonligiga javob berish» mavzusida seminar o‘tkazildi. 
O‘zbekiston aholisi 30 milliondan ortiq bo‘lgan Markaziy Osiyodagi eng zich joylashgan davlatdir. Mamlakatimizda 15 yoshgacha bo‘lgan bolalar aholining taxminan 40 foizini, 24 yoshgacha bo‘lgan yoshlar esa deyarli uchdan ikki qismini tashkil etadi. Hukumatimiz tomonidan reproduktiv va onalar salomatligini yaxshilash, oilani rejalashtirish bilan bog‘liq ma’lumotlar va xizmatlardan foydalanish uchun qulay sharoitlar yaratish hamda yoshlarga qaratilgan sog‘liqni saqlash xizmatlarini ko‘rsatish maqsadida tegishli chora-tadbirlar amalga oshirilmoqda.
UNFPA jamg‘armasi 1993-yilda O‘zbekistonda o‘z ofisini ochgan edi. Jamg‘arma va O‘zbekiston hukumati munosabatlari hukumat va BMTning Taraqqiyot dasturi (BMTTD) o‘rtasidagi asosiy yordam to‘g‘risidagi standart kelishuv (SSOP) bilan tartibga solinadi. 
Hozirgi vaqtda UNFPA O‘zbekistonda 2021-2025-yillarga mo‘ljallangan beshinchi mamlakat dasturini amalga oshirmoqda. Ushbu dasturning strategik rejasiga muvofiq UNFPA quyidagi masalalarga alohida e’tibor qaratadi:
- reproduktiv salomatlik va huquqlarni targ‘ib qilish;
- erkaklar va ayollar uchun teng huquq va imkoniyatlarni ta’minlash;
- aholi dinamikasi va rivojlanish aloqalari;
- o‘smirlar va yoshlar bilan ishlash;
- tematik materiallar.
Seminar yakunida UNFPA jamg‘armasi gender masalalari bo‘yicha mutaxassislari universitetimiz talabalari va xodimlarini volontyorlikka taklif qildi.


Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi