Toshkent davlat transport universitetining Xitoy Xalq Respublikasi taʼlim sohasi vakillari bilan hamkorlikda amalga oshirilgan ishlar

20.01.2024 Xalqaro hamkorlik

Ilmiy-amaliy hamkorlik

2023-yil 26-aprel kuni Toshkent davlat transport universitetida Xitoyning Oʻzbekistondagi tadbirkorlar assotsiatsiyasi raisi va Xitoyning transchegaraviy elektron tijorat tadbirkorlari eng yaxshi klubi prezidenti tomonidan seminar-trening oʻtkazildi
2023-yil 5-sentabr kuni Toshkent davlat transport universitetida Xitoy xalq Respublikasi Sian temir yoʻl kasb-hunar-texnika instituti vakillari bilan uchrashuv boʻlib oʻtdi
2023-yil 5-sentabr kuni Toshkent davlat transport universitetida Xitoy bilan hamkorlikda universitet talabalari uchun elektron tijorat kurslari tashkil etilganligi eʼlon qilindi.
2023-yil 13-sentyabir kuni Xitoy Xalq Respublikasi Shensi provinsiyasining “Xitoy-O‘zbekiston ta’lim ko‘rgazmasi” doirasida universitetimiz hamkorlik kelishuvlariga erishdi (Mazkur ko‘rgazma doirasida Xitoy Xalq Respublikasi va O‘zbekistonning qator oliy ta’lim muassasalari o‘rtasida shartnoma va memorandumlar imzolandi. Jumladan, universitetimiz Xitoyning Changan universiteti bilan hamkorlik memorandumini imzoladi.
Kelishuv doirasida talabalarning akademik almashinuvi, o‘zaro amaliy mashg‘ulotlar o‘tkazish, professor-o‘qituvchilarning malakasini oshirish, shuningdek kelgusida qo‘shma dastur yo‘nalishlarini ochish rejalashtirildi.
Toshkent davlat transport universiteti taʼlim jarayoniga oid o‘zaro manfaatdorlik, transport sohasida malakali kadrlar tayyorlash hamda hamkorlik platformasini yaratish, ilmiy-tadqiqot loyihalarini xalqaro darajada olib borish maqsadida Changan universiteti tashabbusi bilan tashkil etilayotgan “Transport infratuzilmasi sohasida iste’dodlarni tayyorlash bo‘yicha Xitoy-Markaziy Osiyo alyansi”ga ilk a’zo sifatida qo‘shilish uchun bitim imzolashga erishdi.)
2023-yil 15-sentyabr kuni Xitoy Xalq Respublikasining O‘zbekistondagi Favqulodda va Muxtor elchisi Yu Jun bilan uchrashuv bo‘lib o‘tdi. (Uchrashuvda Toshkent davlat transport universiteti qoshida tashkil etilgan “Luban ustaxonasi” (Luban Workshop) faoliyatini amalga oshirishga doir masalalar muhokama etildi.)
2023-yil 9-oktyabr kuni Xitoy Xalq Respublikasi Shensi fan va texnologiyalar universiteti rahbariyati bilan uchrashuv boʻlib oʻtdi. (Ikki universitet ilmiy laboratoriyalari hamkorligini va magistratura dasturlarini yoʻlga qoʻyish, doktorantlar mobilligini taʼminlash, hamkorlikda ilmiy anjumanlar tashkil etish masalalari muhokama qilindi. Shuningdek, yangi oʻquv yilidan Buyuk Ipak Yoʻli universitetlari Alyansi tarkibidagi 5 ta OTMda bir vaqtning oʻzida tahsil olish va oʻqish yakunida diplomlar olish imkoniyatining yaratilishiga alohida eʼtibor qaratildi.)
2023-yil 19-oktyabr kuni Xitoy Xalq Respublikasining Xebey temir yo‘l transporti instituti va “ZU Express China” korxonasi bilan hamkorlik shartnomasi imzolandi. (Toshkent davlat transport universiteti, Xitoy Xalq Respublikasining Xebey temir yo‘l transporti instituti va “ZU Express China” korxonasi o‘rtasida uch tomonlama ilmiy-amaliy hamkorlik shartnomasi imzolandi. Ushbu hamkorlik natijasida universitet bitiruvchi talabalari uchun Xitoyning transport va logistika korxonalarida amaliyot o‘tashlari hamda ish faoliyatini olib borishlari, Xebey temir yo‘l transporti institutida “winter school” va “summer school” dasturlari hamda grant asosida magistraturada o‘qish imkoniyati yaratiladi. 
Shuningdek, professor-o‘qituvchilarni hamkorlikda xorijiy grant dasturlari va ilmiy nashrlar chop ettirish yo‘nalishidagi hamkorligi yo‘lga qo‘yildi.)
2023-yil 17-18 noyabr kunlari Xitoyning Sian shahrida Changan universiteti tashabbusi bilan turli mamlakatlar delegatsiyalari ishtirokida Transport infratuzilmasi sohasida Xitoy-Markaziy Osiyo iste’dodlar tayyorlash alyansining ilk konferensiyasi hamda xalqaro akademik forumi bo‘lib o‘tdi. (Transport infratuzilmasi sohasida Xitoy-Markaziy Osiyo iste’dodlar tayyorlash alyansiga a’zolik Xitoy va Markaziy Osiyo mamlakatlari uchun transport infratuzilmasi sohasida yuqori malakali kadrlarni tayyorlashga qaratilgan yuqori sifatli ta’limni ta’minlash, kadrlar tayyorlashda tajriba, resurslar va ilg‘or tajriba almashish uchun transport infratuzilmasi sohasida samarali xalqaro tarmoqni shakllantirishga zamin yaratadi.)
2023-yil 21-noyabr kuni Xitoyning Shenyang shahrida Shenyan texnologiya universiteti va Toshkent davlat transport universiteti o‘rtasida tarixiy uchrashuv bo‘lib o‘tdi. (Strategik qadamlar o'zaro hamkorlikni chuqurlashtirish va o'qitishdagi ilg'or tajribalarni almashishga qaratildi. Muloqotning muhim qismi ikki diplom dasturini amalga oshirish bo‘yicha muzokaralar bo‘ldi. Endilikda har ikkala universitet talabalari nafaqat o‘z dunyoqarashini boyitish, balki o‘z tajribasini tasdiqlovchi ikkita nufuzli diplom olish imkoniyatiga ega. Tez texnologik o‘zgarishlar fonida mashinasozlik va elektrotexnikaga yangi yo‘nalishlarni joriy etish muhokama qilindi.)
19-20-noyabr kuni Xitoyning Tyanzin provinsiyasida "Lu Ban ustaxonasi"ning IT va Logistika laboratoriyalarida dars beriladigan yo'nalishlar hamda e-commerce sohasida talabalarni o'qitishni kelishish bo'yicha uch tomonlama hamkorlik shartnomasi Toshkent davlat transport universiteti, Xitoyning O‘zbekistondagi savdo-sanoat korxonalari palatasi va Tyanzin davlat hokimiyati vakillari (Tyanzin dengiz professional kolleji) tomonidan imzolandi. ("Lu Ban ustaxonasi" doirasida imzolangan ushbu shartnoma axborot texnologiyalari va logistika sohasidagi ta'lim yo'nalishlarini muvofiqlashtirishni o'z ichiga oladi. Bundan tashqari, talabalar elektron tijorat sohasida o'qitilishi ko'zda tutilgan. Ushbu tarixiy qadam hamkorligimizni mustahkamlaydi va bilim, tajriba va innovatsion g‘oyalar almashish uchun yangi istiqbollarni ochadi. Kelgusida laboratariyalarni kengaytirish, ushbu laboratoriyalarda talabalarni va izlanuvchilarni real loyihalarga yo'naltirish hamda e-commers dasturi doirasida transport sohasiga oid dastrularni ishlab chiqib, xorijga eksportini ta'minlash bo'yicha muhokamalar olib borildi.)
2023-yil 22-dekabrda Toshkent davlat transport universitetiga Xitoy Xalq Respublikasi taʼlim vaziri oʻrinbosari tashrif buyurdi.
2024-yil 9-yanvar kuni Xitoyning janubi-gʻarbiy jiaotun universiteti va Toshkent davlat transport universiteti oʻrtasida talabalar almashinuvi to'g'risidagi bitim onlayn tarzda imzolandi. (Janubi-gʻarbiy Jiaotong universiteti, Xitoy va Toshkent davlat transport universiteti, O'zbekiston (keyingi o'rinlarda "universitetlar" deb yuritiladi) o'z talabalariga chet elda o'qish tajribasini taqdim etishni va eng yuqori sifatli ta'limni ta'minlash bo'yicha umumiy missiyani baham ko'rishni istaydi. Ushbu bitimning maqsadi ikki universitet o'rtasida talabalar almashinuvi shartlarini belgilashdir.)

Kategoriyalar

Yangiliklar Vebinar Tadbirlar Talaba hayoti Interaktiv xizmatlar Jamiyat E'lon Ilmiy markazlar O‘quv laboratoriyalari Kutilayotgan tadbirlar Xalqaro ta’lim dasturlari Ta‘lim Ilm-fan Xalqaro aloqalar Ma‘naviyat Qabul Bitiruvchi Tanlovlar OAV biz haqimizda Xalqaro hamkorlik Dissertatsiya ishi muhokamasi Seminar-trening

Oxirgi xabarlar

30/08/24
O‘quv kursi
 Oliygohlar kadrlar bo‘limi boshliqlarining mehnat sohasiga oid kasbiy ko‘nikmalari rivojlantirilmoqda
16/08/24
Qabul-2024
 Texnikumni muvaffaqiyatli tamomlagan talabgorlar bilan suhbat.
10/08/24
RASMIY XABAR
 Toshkent davlat transport universitetida 2024-2025 oʻquv yilida qabul qilingan bakalavriat va magistratura boʻyicha toʻlov-kontrakt miqdorlari (yoʻnalishlar kesimida)
27/07/24
Davlat stipendiyalari uchun universitet bosqichi tanlovi o‘tkazildi
 O‘zbekiston Respublikasi Prezidenti va nomli davlat stipendiyalari tanlovining dastlabki bosqichi o‘tkazildi
22/07/24
Bitiruvchi – 2024
 Toshkent davlat transport universitetida “Bitiruvchi – 2024” diplom topshirish marosimi tashkil etildi