Xalqaro hamkorlik

---

---

Universitetga QS reyting bazasida kuchli 200 talikka kiruvchi Xitoy Xalq Respublikasining Tongji universiteti professori Kequan Yu tashrif buyurdi

---

Qurilish muhandisligi fakulteti professor-o‘qituvchilari va QS reyting bazasida 2024 yil natijalariga ko‘ra 185 o‘rinda turuvchi Tongji universiteti (Xitoy) professori Kequan Yu o‘rtasida uchrashuv bo‘lib o‘tdi. Kequan Yu – Scopus ma’lumotlar bazasida 4500 iqtiboslikka ega, H-index 37 ga teng, qurilish sohasida inshootlar konstruksiyalarida fibrobetonni ishlatish va uni takomillashtirish ustida ilmiy izlanishlar olib boruvchi Tongji universiteti (Shanxay) professori hisoblanadi. Uchrashuv davomida qurilish muhandisligi fakulteti kafedralari faoliyati bilan kafedra mudirlari Ne’mat Muxammadiyev, Uchqun Umarov, Quvondiq Lesov, Ulug’bek Shermuxammedovlar professor Kequan Yuni tanishtirishdi. Kafedralardagi o‘quv jarayoni, laboratoriya ishlarining amaliy tadbiqi, bajarilayotgan fundamental va amaliy loyihalar to‘g’risida fikr almashildi. Professor Kequan Yuni faoliyati davomida 20 dan ortiq Q1 kvartilli jurnallarda ilmiy maqolalar chop etganligi hamda uning ilmiy ishlariga keltirilgan iqtiboslar soni yuqori ekanligini yuksak baholandi.
Qurilish muhandisligi mutaxassislik kafedralari bilan tomonlar muzokara davomida xalqaro grant loyihalarda birgalikda ishtirok etish va yuqori impakt faktorli jurnallarda hamkorlikda maqolalar chop etish bo‘yicha kelishib olindi. Tongji universiteti delegatsiyasi iyun oyida amaliy tashrif bilan Universitetga kelishi va muzokarada nazarda tutilgan bandlar bo‘yicha o‘zaro hamkorlik memorandumi tuzishga kelishib olindi.

---