Yoshlar bilan ishlash, ma’naviyat va ma’rifat bо‘limi

O‘zbekiston Respublikasi Prezidentining “Yoshlar bilan ishlash, ma’naviyat va ma’rifat jamoatchilik markazi faoliyatini yanada takomillashtirish va samaradorligini oshirish to‘g‘risida”gi 1996 yil 9 sentabr 1559-sonli farmoni hamda O‘zbekiston Respublikasi Oliy va o‘rta maxsus ta’lim Vazirligining 1996 yil 16 sentabrdagi 221-sonli buyrug‘iga asosan Yoshlar bilan ishlash, ma’naviyat va ma’rifat bo‘limi tashkil etildi. 

Ushbu bo‘lim universitet ta’lim tarbiya jarayonini yanada takomillashtirish va samaradorligini oshirish maqsadida “Ma’naviy-ma’rifiy” tizimga rahbarlik qilish, bu sohada olib boriladigan ishlarni muvofiqlashtirish, ilg‘or tajribalardan foydalangan holda ma’naviy-ma’rifiy masalalar bo‘yicha zarur ilmiy-uslubiy mavzuidagi  adabiyotlarni tayyorlash, chop ettirish, barcha soha xodimlarining o‘qishlarini tashkil etish, har xil to‘garaklar, sport, jamoat klubi, uchrashuvlar, umuminsoniy qadriyatlarga hurmat, tarixiy an’analarga, Vatanga muxabbat, istiqlol g‘oyalariga sadoqat, mustaqillik ruhini, ma’naviyat sohadagi yutuqlarimizni  talabalarga keng tushuntirish, yangi turdagi yetuk davr talabiga javob beradigan yuqori malakali mutaxassislar tayyorlash, ma’naviy-madaniy, ahloqiy-ruhiy jismoniy jihatdan barkamol, Vatanga, el-yurtga sadoqatli kishilar qilib tarbiyalash Yoshlar bilan ishlash, ma’naviyat va ma’rifat bo‘limining bosh vazifasidir. 

Talaba yoshlarni mamlakatimiz mustaqilligini mustahkamlash jarayonida amalga oshirilayotgan ijtimoiy, iqtisodiy, siyosiy ma’naviy va madaniy vazifalarning tub mohiyatini anglaydigan malakali mutaxasis, insonparvar shaxs sifatida tarbiyalash, bo‘lajak mutaxasisliklarda mustaqil ijodiy faoliyatga tayyorlashni o‘z-o‘zini anglashning ahloqiy asoslarini, mantiqiy fikrlashni, jamoani boshqarish malakalarini shakllantirishni, ularni, hayotda o‘z o‘rnini topish, o‘z taqdirini o‘zi belgilashni, keladakka bo‘lgan ishonchni, mamlakatimiz kelajagini, buyukligini barcha sohalardagi erishayotgan yutuqlari bilan tushuntirib borishni o‘z oldiga maqsad qilib qo‘yadi.

Bo‘lim tomonidan  Ma’naviy-ma’rifiy tarbiya jarayonidagi boshqarish tizimini muntazam ravishda takomillashtirib borish, ma’naviy-ma’rifiy tarbiya ishlar rejasi va dasturlarini ishlab chiqish va uning amalga oshirilishini nazorat qilish, O‘zbekiston Respublikasi Prezidenti Farmonlari, Oliy Majlis va Vazirlar Mahkamasining qarorlari, Oliy ta’lim Vazirligining buyruq va ma’lumotlarini shuningdek «Ta’lim to‘g‘risida»gi qonunda va «Kadralar tayyorlash milliy dasturi»da belgilangan vazifalarni  talabalarga, murabbiylarga va professor-o‘qituvchilarga o‘z vaqtida yetkazishni, tashkil etish, O‘zbekiston Respublikasi Prezidenti  ma’ruzalari Vazirlar mahkamasi tomonidan qabul qilingan qarorlar talabalarga, professor-o‘qituvchilarga o‘z vaqtida yetkazish, har tomonlama tushuntirish ishlarini tashkil etish, ustoz-shogird tizimini takomillashtirib borish tizimini yo‘lga qo‘yish, o‘tkaziladigan «Ma’naviyat kuni» tadbirlarining mazmunli o‘tkazilishini tashkil etish, turli xildagi tarbiyaviy yo‘nalishdagi uchrashuvlar o‘tkazish, xuquqbuzarlikning oldini olish maqsadida xuquq-tartibot idoralari bilan xamkorlikda ishlash tizim takomillashtirib  borish, talaba-yoshlarning ma’naviy-ma’rifiy tarbiyasi masalalariga oid ilmiy-uslubiy va amaliy adabiyotlar, qo‘llanmalar tayyorlab borish va ularni chop ettirish ishlarini amalga oshirish hamda tarbiyaviy ahamiyatga molik adabiyotlar bilan ta’minlash, talabalarning bo‘sh vaqtlarini mazmunli o‘tkazishni tashkil qilish, talabalar turar joyida va ijarada yashovchi talabalarning yashash sharoitlarini muntazam dekan o‘rinbosarlari, tyutorlar orqali nazorat qilib borishni tashkil qilib borish, universitetda sport-sog‘lomlashtirish, maishiy xizmat, ovqatlanish, dam olish, madaniy xordiq chiqarish tizimlarining uzluksiz, sifatli ishlashini ta’minlash maqsadida nazorat qilish, universitetda turli xildagi ko‘rik-tanlovlar, festivallar, spartakiadalar, olimpiadalar o‘tkazishni tashkil qilish, moddiy jihatdan kam ta’minlangan ko‘p bolali oilalardan chiqqan, nogiron talabalarning moddiy ahvolini yaxshilash maqsadida, ularni ahvolini aniqlash hamda ijtimoiy muxofaza qilish bo‘yicha muntazam ish olib borish va universitet rahbariyatiga takliflar kiritish, bayramlar va allomalarning yubileylari munosabati bilan turli mavzularda tadbirlar tashkil qilib borish, talaba va professor-o‘qituvchilarni kino-teatrlarga, muzeylarga, tarixiy ziyoratgoh joylarga tashriflarini tashkil etib borish, universitetda talabalarning ota-onalari, mahalliy xokimiyatlar, hayriya jamg‘armalari, mahallalar va fakultetlar tomonidan olib borilayotgan ishlarni tashkil etish va nazorat qilish, talabalarni milliy va umuminsoniy qadriyatlar zaminida, mustaqil O‘zbekiston Respublikasining xaqiqiy fuqarolari etib shakllantirish, talabalar milliy g‘ururini shakllantirish, vatan oldidagi fuqarolik va farzandlik burch va vazifalarini sitqidildan bajarishga tayyorlash, universitetda ko‘rik-tanlovlar, festivallar, spartakiadalar, olimpiadalar o‘tkazishni tashkil etish, respublika, viloyat, shahar va universitetda bo‘ladigan turli jamoat ishlari, tadbirlarida professor-o‘qituvchilar va talabalarni ishtirokini ta’minlash, tarbiyaviy ishlar yo‘nalishlari va ularning samaradorligini oshirish bo‘yicha taklif kiritish ishlari amalga oshiriladi.