“Radioelektron elektron va tizimlar” kafedrasi 1964 yili “Temir yo’l transportida simli aloqa” nomi bilan tashkil etildi. Birinchi bo’lib kafedra rahbarligiga uning asoschisi Plotnikov A.N. boshchilik qilgan.

1964 yildan “Temir yo’l transportida simli aloqa” kafedrasi mudirligiga texnika fanlari nomzodi, dotsent Semenyuta N.F. tayinlangan va kafedra shu davrdan boshlab yuqori malakali kadrlar bilan to’ldirila boshlandi. Kafedra o’quv-uslubiy va ilmiy-tadqiqot ishlari bo’yicha Peterburg davlat temir yo’l universiteti (PGUPS-Rossiya Federatsiyasi) bilan tashqi aloqalarda ishlarini olib borishni yo’lga qo’ydi.

1969-1981 yillarda “Temir yo’l transportida simli aloqa” kafedrasiga texnika fanlari nomzodi, dotsent D.V.Kim rahbarlik qildi. Sobiq SSSR davridagi O’rta Osiyo temir yo’llari O’zbek SSSR (xozirgi “O’zbekiston temir yo’llari” aktsiyadorlik jamiyati) buyurtmalari bo’yicha davlat byudjeti va xo’jalik shartnomalari asosida kafedrasi rahbari D.V.Kim va institut professor-o’qituvchi N.F.Semenyutalar rahbarligida “Elektronika”, “Kabelli aloqa”, “Temir yo’l transportida avtomatik telefon stantsiya aloqasi”, “Temir yo’l trasportida tezkor telefon aloqa”, “Temir yo’l transportida radioaloqa” fanlaridan o’quv-laboratoriya bazalari tashkil etildi.

1981-1992 yillarda “Temir yo’l transportida simli aloqa” kafedrasiga dotsent N.M.Belenkiy rahbarlik qildi. Bu davrda kafedrani ishlab chiqarishlar bilan aloqasi kuchaytirilib, O’rta Osiyo temir yo’llari O’zbek SSSR tomonidan hamkorlik asosida kafedra mudiri N.M.Belenkiy institut professor-o’qituvchisi V.A.Krivopishin rahbarligida “Temir yo’l trasportida tezkor telefon aloqa”, “Temir yo’l transportida radioaloqa” fanlaridan o’quv-laboratoriyasi takomillashtirildi hamda “Temir yo’l transportida ko’pkanalli aloqa” fanidan laboratoriya bazasi tashkil etildi.

1992-1998 yillarda “Temir yo’l transportida simli aloqa” kafedrasiga dotsent B.A.Davlatyorov rahbarlik qildi. Ushbu davrda kafedradagi mavjud laboratoriya bazalari takomillashtirildi.

1998-2011 yillarda “Temir yo’l transportida simli aloqa” kafedrasi tubdan yangi “Elektr aloqa va radio” kafedrasi etib tashkil qilindi va bu kafedraga texnika fanlar doktori, professor A.A.Xalikov rahbarlik qildi. Bu davrda, 1999 yildan boshlab 5522200 – «Telekommunikatsiya», 2004 yildan «Telekommunikatsiya» kasbiy ta’lim bo’yicha bakalavr ta’lim yo’nalishlari hamda 2001 yildan 5A522210 – «Temir yo’l transportida aloqa tizimlari va tarmoqlariga xizmat ko’rsatish va ulardan texnik foydalanish» va 5A311301 – «Axborot uzatish tizimlari va qurilmalar» magistratura mutaxasisliklari bo’yicha kadrlarni tayyorlash tashkil etildi. Shuningdek ushbu yo’nalish va mutaxassisliklar bo’yicha yangi darslik, o’quv qo’llanma, o’quv-uslubiy qo’llanma va ko’rsatmalari tayyorlandi. Toshkent temir yo’l kasb-hunar kolleji va Toshkent temir yo’l muhandislari instituti “Elektr aloqa va radio” kafedrasi bilan hamkorlik yo’lga qo’yilib, ilmiy-tadqiqot va o’quv uslubiy ishlar bo’yicha sezilarli darajada ishlar chop etishga erishildi. “O’zbekiston temir yo’llari” aktsiyadorlik jamiyatining “Signallashtirish va aloqa boshqarmasi” tomonidan tuzilgan muammolar mavzulari asosida kafedra mudir A.A.Xalikov va professor-o’qituvchilari tomonidan davlat byudjetiga muvofiq «Temir yo’l transportida aloqa vositalarini takomillashtirish», Tola-optikali kabelda va raqamli uzatish tizimi yordamida «O’TY» DATK aloqa qismlarida birlamchi to’rlarni ishlab chiqish” hamda 51-raqamli “Radioboshqaruv orqali “O’TY” DATK kontakt tarmoqlarig’i distantsion boshqarish”, 48-raqamli “Magnit maydoni ta’sirida suvni zarartirlanishini kompleks tizimi”, 86-raqamli “Magnit maydoni yordamida suvni zararsizlantirish kompleks tizimi. Sanoat namunasini ishlab chiqish DAK «UTY» xo’jalik shartnomalari bog’liq holatda ilmiy izlanishlar olib borildi. Izmiy izlanishlar natijasida, professor A.A.Xalikov ilmiy rahbarligidagi shogirdlari S.S.Xalikov va G.Sh.Abidovalar dissertatsiya natijalarini tegishli Ilmiy kengashda muvaffaqiyatli himoya qilib texnika fanlari nomzodi ilmiy darajasida tasdiqlandi. Peterburg davlat temir yo’l universiteti bilan hamkorlik shartnomalari hamda Toshkent temir yo’l muhandislari instituti tavsiyasi, “O’zbekiston temir yo’llari” aktsiyadorlik jamiyati buyrug’iga muvofiq kafedraning iste’dodli talabalari J.F.Kurbanov, A.A.Saitov, O.A.Mirsagdiyev, D.X.Rixsiyev, G.A.Bekbayevlar Peterburg davlat temir yo’l universitetida oliy ma’lumotga erishdi. Shu bilan birga institut professor-o’qituvchilari D.X.Rixsiyev, O.A.Mirsagdiyev, N.V.Yaronova, G.A.Bekbayev ilmiy izlanishlarini davom ettirish maqsadida Peterburg davlat temir yo’l universiteti aspiranturasida faoliyatini olib borib, N.V.Yaronova va G.A.Bekbayev texnika fanlari nomzodi ilmiy darajasida tasdiqlandilar.

2005 yilda A. A.Xalikovga “Xalqaro Aloqa Akademiyasi Akademiki” diplomi berildi.

2015 yilda “Oliy ta’lim muassasasining eng yaxshi pedagogi” tanlovi Respublika bosqichining “Aloqa, axborotlashtirish va telekommunikatsiya texnologiyalari” ta’lim soxasi bo’yicha 2016 yil uchun “Mutaxassislik bo’yicha eng yaxshi pedagog” nominatsiya g’olibi bo’lgan.

2011-2014 yillarda “Elektr aloqa va radio” kafedrasiga texnika fanlari nomzodi, dotsent O.X.Kadirov rahbarlik qildi. “O’zbekiston temir yo’llari” aktsiyadorlik jamiyatining “Signallashtirish va aloqa boshqarmasi” bilan hamkorlikda 98-raqamli “Magnit maydoni yordamida suvni zararsizlantirish kompleks tizimi sanoat namunasini ishlab chiqish DAK “UTY” xo’jalik shartnomasi asosida kafedraning professor-o’qituvchilari tomonidan ilmiy izlanishlar olib borildi. professor A.A.Xalikov ilmiy rahbarligidagi shogirdi R.M.Aliyev dissertatsiya natijalarini tegishli Ilmiy kengashda muvaffaqiyatli himoya qilib texnika fanlari nomzodi ilmiy darajasida tasdiqlandi.

2014-2015 yillari “Elektr aloqa va radio” kafedrasiga texnika fanlari nomzodi S.S.Xalikov rahbarlik qildi. Bu davrda 59-raqamli “Vagon-laboratoriyasini modernizatsiya qilish uchun radioaloqa o’lchov kompleksini KTSM, ALSN, signal ko’rinishi bo’yicha ishlab chiqish” xo’jalik shartnomasi asosida kafedraning professor-o’qituvchilari tomonidan ilmiy izlanishlar olib borildi. Kafedra o’quv-laboratoriyalarini yangilash maqsadida, “O’zbekiston temir yo’llari” aktsiyadorlik jamiyatini bilan tuzilgan shartnoma asosida va institut professor-o’qituvchilari A.A.Xalikov, V.A.Krivopishin va J.F.Kurbanovlar ishtirokida “Temir yo’l transportida radialoqa”, “Temir yo’l transportida tezkor texnologik aloqa” fanlaridan o’quv-laboratoriyasi uchun raqamli tizim jihozlari, qurilmalari va asbob-uskunalar keltirilib o’rnatildi.

2015-2018 yillari “Elektr aloqa va radio” kafedrasiga texnika fanlari doktori, professor A.A.Xalikov rahbarlik qildi. Bu davrda 5313900 – “Dronlarni loyihalash va ekspluatatsiya qilish” bakalavr ta’lim yo’nalishi tashkil etilib, kafedra mudiri A.A.Xalikov rahbarligi va institut professor o’qituvchilari J.F.Kurbanov va N.V.Yaronovalar ishtirokida ta’lim yo’nalishiga tegishli xujjatlar ishlab chiqildi hamda ushbu soha yo’nalishi bo’yicha J.F.Kurbanov va N.V.Yaronovalar tegishli tashkilot va xorijiy muassasalarda malaka oshirdi. Professor A.A.Xalikov ilmiy rahbarligida ilmiy darajaga talabgor shogirdi J.F.Kurbanov dissertatsiyani muvaffaqiyatli himoya qilib texnika fanlari bo’yicha falsafa doktori (PhD) ilmiy darajasida tasdiqlandi. Professor A.A.Xalikov «Oliy ta’lim muassasining eng yaxshi pedagogi» tanlovi Respublika bosqichining «Aloqa, axborotlashtirish va telekommunikatsiya texnologiyalari» ta’lim soxasi bo’yicha 2016 yil uchun «Mutaxassislik bo’yicha eng yaxshi pedagog» nominatsiya g’olibi bo’ldi.

2018 yildan “Temir yo’l transportida avtomatika va telemexanika” va “Elektr aloqa va radio” kafedralari birlashgan holda “Temir yo’l transportida avtomatika, telemexanika va telekommunikatsiya texnologiyalari” kafedrasi tashkil etildi va bu kafedraga texnika fanlari doktori, professor A.A.Xalikov rahbarlik qildi. Professor A.A.Xalikov ilmiy rahbarligida ilmiy darajaga talabagor shogirdlari O.A.Mirsagdiyev, A.N.Puziy (xozirda TATU da kafedra dotsenti lavozimida ishlaydi), M.B.Abdujapparovalar (xozirda TUTU da Kafedra mudiri lavozimida ishlaydi) hamda professor N.M.Aripov ilmiy rahbarligida D.X.Rixsiyev dissertatsiyani muvaffaqiyatli himoya qilib texnika fanlari bo’yicha falsafa doktori (PhD) ilmiy darajasida tasdiqlandi.

2019-2020 yillarda Toshkent temir yo’l muhandislari instituti “Temir yo’l transportida avtomatika, telemexanika va telekommunikatsiya texnologiyalari” kafedrasi va 2020 yil 21 avgustdan Toshkent davlat transport universiteti “Radioelektron qurilmalar va tizimlar” kafedrasiga texnika fanlari nomzodi, dotsent S.S.Xalikov rahbarlik qildi. Ushbu davrda, 2020 yildan Toshkent davlat transport universiteti huzurida 5350700 – “Radioelektron qurilmalar va tizimlar (temir yӯl transporti)”, 5311000 – “Texnologik jarayonlar va ishlab chiqarishni avtomatlashtirish va boshqarish (temir yo’l transporti)” bakalavr ta’lim yo’nalishlari hamda 5A350701 – Radioelektron qurilmalar va tizimlar (temir yӯl transporti), 5A311002 – “Temir yo’l transportida avtomatika va telemexanika mutaxassisliklari” magistratura mutaxassisliklari bo’yicha kafedra mudiri S.S.Xalikov va kafedra professor-o’qituvchilari A.R.Azizov, N.V.Yaronova va E.K.Ametovalar ishtirokida tegishli xujjatlar ishlab chiqildi va tasdiqlandi. Professor A.A.Xalikov ilmiy rahbarligida R.M.Aliyev va J.F.Kurbanovlar (2019 yilda) texnika fanlari doktori (DSc) ilmiy darajasiga, O.X.O’raqov (2020 yilda) texnika fanlari bo’yicha falsafa doktori (PhD) ilmiy darajasiga, talabgorlar dissertatsiyani muvaffaqiyatli himoya qilib tegishli ilmiy darajada tasdiqlandilar.

O’zbekiston Respublikasi Prezidentining №R-4724 8.10.2016 yildagi farmoyishida 2017-2021yillar davrida respublika oliy ta’limini kompleks rivojlantirish maqsadlarini bajarish uchun, O’z.R. ta’lim sifatini oshirish va malakali kadrlarni tayyorlash to’g’risidagi qaror va farmonlari ijrosini ta’minlash maqsadida O’TY AJ tasarrufidagi “Aloqa va signallashtirish markazi” ShCh-2 korxonasida zamonaviy informatsion texnik vositalari bilan jixozlangan, laboratoriya bazasiga ega bo’lgan kafedra filiali ochildi. U yerda talabalar amaliy va laboratoriya mashg’ulotlarini mutaxassislik fanlari bo’yicha shug’ullanib kelmoqdalar. Ishlab chiqarish korxonasi bilan oliygox orasidagi integratsiyani amalga oshirilib, bitiruv ishlari va magistrlik dissertatsiya ishlari mavzulari buyurtmachi korxona rahbariyati bilan kelishilgan holda shakllantirilib, himoyalar ham kafedra filialida o’tkazilmoqda.

Kafedra bilan “Temir yo’l kollejlari” o’rtasida xam xamkorlik ishlari yo’lga qo’yilgan. Xususan Toshkent temir yo’l kolleji, Qo’qon va Samarqand temir yo’l kollejlari orasidagi xamkorliklar natijasida, kafedra professor o’qituvchilari va kollej o’qituvchilari bilan xamkorlikda bir nechta o’quv-uslubiy ishlar nashr etilgan. Kollejlarda kafedra professor o’qituvchilaridan t.f.d., prof. A.A.Xoliqov, t.f.n., dots. R.Q.Karimov, t.f.n., dots. O.A.Mirsagdiyev va boshqalar kollejlarda ochiq darslar xamda master klasslarni muntazam ravishda rejaga binoan o’tkazib kelganlar.

Institut tasarrufidagi kadrlarni tayyyorlash va malakasini oshirish fakulьtetida 2000-2020 yillar davrida kafedra professor o’qituvchilardan t.f.n., dots. B.A.Davletьyarov, t.f.n., dots. V.A.Krivopishin, t.f.d., prof. A.A.Xalikov, t.f.n., dots. I.K. Kolesnikov., t.f.n., dots. N.V.Yaronova va boshqalar temir yo’l aloqa sohasidagi mutaxassis kadrlarni malakasini oshirish bo’yicha mutaxassislik fanlaridan zamonaviy texnika taraqqiyotini inobatga olgan xolda ma’ruzalar olib bordilar.

2009-2011yillarda t.f.d., professor A.A.Xalikov 05.13.05-«Xisoblash texnikasi elementlari va boshqaruv tizimlari» mutaxassisligi bo’yicha Qirg’iziston Fanlar Akademiyasining “Mashinasozlik va avtomatika” institutining ixtisoslashtirilgan ilmiy kengash a’zosi va opponenti sifatida qatnashgan. Ixtisoslashtirilgan ilmiy kengashi rayisi Qirg’iziston milliy Akademiyasining Akademiki t.f.d., professor, laboratoriya mudiri istitut direktori Janыbek Sharshenaliyev bo’lgan.

TTYMI (xozirda Toshkent davlat transport universiteti) tashabbusi bilan, 2009 yili ma’naviyat ishlari bo’yicha prorektor f-m.f.d.,professor Ortiqboyev A.O. boshchiligidagi institut professor-o’qituvchilari va talabalardan tarkib topgan milliy-raqs, cholg’u ansabli, sport xamda fanlar bo’yicha Rossiya Federatsiyasining Yekateringburg shaxridagi «Ural politexnika instituti» tashkil etgan Xalqaro musaboqada faol qatnashdi. Milliy raqs ansabliga Shoxsanamxon Shodimetova, milliy musiqa ansabliga esa prof. Abdulxaq Abdulxairovich Xoliqov boshchilik qildi va o’zi xam ijrochi sifatida qatnashib, Shanxay tashkiloti a’zolari bo’lgan (o’sha davrdagi) 7 ta mamlakat ichida jamoa nufuzli 1-o’rinni egallagan.

Institut raxbariyati tomonidan 2000 yillarda qayta tiklangan fakulьtetlararo “Talabalik baxori” festivalida kafedra rofessor-o’qmtuvchilari talabalar bilan birgalikda saxna ko’rinishlarida va milliy cholg’u ansamlida qatnashib kelmoqdalar. Ulardan prof. A.A.Xoliqov, dots. S.S.Xoliqov, dots. O.X.Qodirov, dots. N.V.Yaronova va boshqalar.

Professor A.A.Xalikov ilmiy rahbarligida ilmiy darajaga talabagor shogirdi J.S.Fayzullayev dissertatsiyani muvaffaqiyatli himoya qilib texnika fanlari bo’yicha falsafa doktori (PhD) ilmiy darajasida tasdiqlandi.

2020 yilda kafedra dotsentlari I.K.Kolesnikov va G.Sh.Abidovalar doktorlik dissertatsiyalarini (DSc) himoya qilib, texnika fanlari doktori diplomiga ega bo’ldilar.

2023 yil 4 sentyabrdan boshlab xozirgi kunga qadar Toshkent davlat transport universiteti “Radioelektron qurilmalar va tizimlar” kafedrasiga texnika fanlari texnika fanlari doktori, professor J.F.Kurbanov rahbarlik qilib kelmoqda.

Kafedraning istiqbolli quyidagi rejalari tuzilgan

• Kafedrada o’tiladigan fanlardan 2020-2025 yillarda jami 14 ta darslik, 5 ta o’quv qo’llanma, shuningdek har bir fanning amaliy va laboratoriya mashg’ulotlari uchun uslubiy qo’llanma va ko’rsatmalar nashr ettirish;
• 2022-2023 yillarda “Islom rivojlantirish banki” tomonidan moliyalashtirishi rejalashtirilgan zamonaviy o’quv-laboratoriya jihozlari majmuasi «Telekommunikatsiya aloqa liniyalari», «Tarmoq xavfsizligi», «Radiotexnik zanjirlar va signallar», «Elektronika va sxemotexnika asoslari», «Optik tolali aloqa», «IP telefoniya», «GSM uyali aloqa tarmoqlari» yo’nalishilari bo’yicha o’quv laboratoriya jihozlar to’plamlarini o’rnatish va ta’lim jarayoniga tatbiq etish;
• Kafedraning salohiyatini yanada yuksaltirish maqsadida, kafedrada ilmiy darajali mutaxassislarni ko’paytirish uchun 2021-2025 yillarda 3 ta texnika fanlari bo’yicha falsafa doktori (PhD) va 2 ta texnika fanlari doktori (DSc) ilmiy darajalariga talabgorlar tomomnidan dissertatsiya ishini himoya qilishi va tasdiqlanishi;
• 2020-2024 yillarda jami 19 ta milliy va xalqaro grantlar, xo’jalik shartnomalari amalga oshirish;
• 2020-2025 yillarda ilmiy-tadqiqot natijalarini Scopus, Web of Science bazasidagi nufuzli jurnallarda jami 40 ta ilmiy maqolalar, OAK tassarufidagi jurnallarda jami 85 ta ilmiy maqolalar chop ettirish;
• 2023-2025 yillarda “Telekommunikatsiya texnologiyalari” nomli ilmiy-tadqiqot laboratoriyasini tashkil etish.
•  

Bakalavriat yo‘nalishlari

·         60611501 - Radoielektron qurilmalar va tizimlar (temir yo‘l transporti)

·         60611502 - Radioelektron qurilmalar va tizimlar (aviatsiya transporti)

Magistratura yo‘nalishlari

·         70611501 - Radioelektron qurilmalar va tizimlar (temir yo‘l transporti)