TDTU

Hisob va biznes

Kafedra tarixi

“Buxgalteriya hisobi” kafedrasi 1961 yilda ochilgan bo‘lib “Moliyalashtirish va hisob” deb nomlangan , 2001 yildan 2020 yilga qadar “Buxgalteriya hisobi va audit” deb yuritilgan. Toshkent davlat transport universiteti tashkil etilganligi bois 2020 yildan boshlab kafedra “Buxgalteriya hisobi” deb nomlandi. Kafedra ochilgandan boshlab sobiq sovet davrida xizmat ko‘rsatgan fan arbobi professor N.I.Silayev kafedra mudiri lavozimida ishlagan.

O‘tgan 61 yil davomida i.f.n., dotsent L.I.Sayko, i.f.n., dotsent L.A.Gladkova, i.f.n., dotsent G.T.Zakirova, i.f.n., prof. T.T.Tashmuradov, i.f.n., dotsent A.I.Ismailxodjayev, i.f.n., dotsent S.M.Sultanova, i.f.n., dotsent A.B.Djumanova kafedra mudiri lavozimida ishlashgan. Hozirgi kunda kafedra mudiri bo‘lib N.U.Babaxanova faoliyat olib bormoqda.

Uzoq vaqt davomida kafedrada temir yo‘lda xizmat ko‘rsatgan i.f.n., dotsent, O‘rta Osiyo temir yo‘llari moliyaviy xizmat boshlig‘i S.A.Artemev; i.f.n., dotsent O.V.Bakushkina, i.f.n., dotsent A.P.Besedina, i.f.n., dotsent O.Y.Baxoldina, i.f.n., dotsent SH.G.Shafeyev, i.f.n., dotsent V.A.Batrikov, i.f.n., dotsent A.Shumlyayev, katta o‘qituvchilar: Z.I.Antonnikova, V.A.Piven, J.SH.Radjabova, L.X.Pinxasova, X.Z.Nishanbayev, T.I.Selivyorstova kabi professor-o‘qituvchilar ilmiy faoliyatni olib borishgan shuningdek kafedraning ishlab chiqarish korxonalari bilan ilmiy aloqalarini o‘rnatishda hamda rivojlantirishda o‘z hissalarini qo‘shishgan va bunday tashabbussalar an’anaga aylangan.

“Buxgalteriya hisobi va audit” ta’lim yo‘nalishi bo‘yicha bitiruvchi kafedra hisoblanib, ushbu yo‘nalishning ilk bitiruvchilari 1970 yilda tamomlagan. Hozirgi kunda “Buxgalteriya hisobi” kafedrasi Toshkent davlat transport universitetining “Iqtisodiyot” fakulteti tarkibida transport temir yo‘l va avtomobil transporti korxonalari uchun “Buxgalteriya hisobi va audit” ta’lim yo‘nalishi bo‘yicha bakalavr va “Buxgalteriya hisobi va audit” temir yo‘l transporti mutaxassisligi bo‘yicha magistrlar tayyorlaydi va ular uchun «Davlat ta’lim standartlari»ga javob beradigan o‘quv rejalar va kafedrada o‘qitiladigan fanlar bo‘yicha namunaviy dasturlar ham ishlab chiqiladi.

“Buxgalteriya hisobi va audit” kafedrasi bitiruvchilari ish beruvchilar uchun juda qadrli bo’lgan eng muhim ko’nikmalarga ega bo’lishadi. Bular analitik va ijodiy fikrlash, turli muammolarni hal qilishda ijodiy yondashuv, turli vaziyatlarda harakat qilish qobiliyati, universitetda o’qish paytida olgan bilimlarini sharhlash va qo’llashda ishonchli, shuningdek, potentsial resurslarni taqsimlash va loyihalarni amalga oshirish qobiliyatiga ega bo’ladilar, shuningdek o‘qish davomida olgan bilimlarini amalda qo‘llagan holda, biznes tahlili, soliq maslahatchisi, moliya, buxgalteriya hisobi, audit va menejment kabi turli yo‘nalishlarda bevosita ishlatadilar.

Bugungi biznes muhitida buxgalterlar mutahasislarga talab oshmoqda. Bitiruvchilarimiz uchun potentsial ishga joylashish imkoniyatlari quyidagi yo‘nalishlarni o‘z ichiga oladi:

Audit;
Buxgalteriya hisobi;
Bank ishi;
Moliyaviy hisob;
Moliyaviy tahlil;
Boshqaruv hisobi;
Biznes konsalting;
Soliq maslahatchisi.

Hozirda dolzarb bo’lgan bitiruvchilarimiz kompaniyalarda quyidagi lavozimlarda ishlashi mumkin:

Moliyaviy direktor:
Buxgalter:
Moliyaviy rejalashtiruvchi
Moliyaviy maslahatchi:
Auditor:
Korporativ rejalashtirish menejeri;
Investitsion maslahatchi;
Bank hodimi.

Narxlar menejeri bo‘lib quyidagi nufuzli korxona va tashkilotlarda ishlay oladilar:

“O‘zbekistontemiryo‘lyo‘lovchi” AJ va ularning tuzilmaviy korxonalari;
“O‘zbekiston temir yo‘llari” AJ asosiy faoliyati bo‘yicha mintaqaviy temir yo‘l uzellari (Toshkent MTU, Buxoro MTU, Kungrad MTU, Qo‘qon MTU, Qarshi MTU, Termez MTU) va ularning tuzilmaviy korxonalari;
Temir yo‘l sanoat tusidagi korxonalarida (“O‘ztemiryo‘lmashta’mir” UK, “Relspayvandlash” zavodi, “Yo‘lovchi vagonlarni qurish va ta’mirlash” AJ, “Toshkent quyuv mexanika” zavodi, “Andijon quyuv mexanika zavodi;
Toshkent mexanika zavodi;
Toshkent metropoliten;
“Toshshahartransxizmat” AJ;
Avtomobil yo‘llari xujaligi korxonalari.

Kafedra o‘tgan yillar davomida 5000 dan ortiq malakali kadrlar tayyorlab, barcha bitiruvchilar “O‘zbekiston temir yo’llari” AJ korxonalarida ish bilan ta’minlangan. Xozirgi kunda kafedraning quyidagi bitiruvchilari:

f.d., prof. Tulaxodjayeva Minovar Maxkamovna – “Buxgalteriya va auditorlar milliy assotsiyasi” direktori;
Abdullayeva Feruza Karimovna – “O‘zbekiston temir yo‘llari” AJ moliya boshqarmasi boshlig‘i;
Sultanov Dilshod Shuxratovich – O‘zbekiston Respublikasi «Moliya vazirligi” ning birinchi o‘rinbosari;
f.n., dotsent Babaxalov N.E. – “O‘zbekiston temir yo‘llari” AJ boshqaruv raisi maslahatchisi.
Abdurazzoqov Sherzod – “O‘ztemiryo‘lyo‘lovchi” AJ moliya boshqarmasi boshlig‘i;
f.n., Raupov Azamat – “Lokomotiv parki” bosh hisobchisi;
Musalimov Farxod – “O‘zbekiston temir yo‘llari” AJ ichki audit boshqarmasining boshlig‘i;
Ro‘ziyev Xakim Tangriyevich – “O‘zbekiston temir yo‘llari” AJ “Buxgalteriya hisobi va moliya” boshqarmasining boshlig‘i 1988 – 2008 yy.;
Saljigitov Bolisbek Paraxatovich – “Ko‘ng‘irot MTU” UK moliya bo‘limi boshlig‘i
Abdullayeva Dildora Narimanovna – Deloyt Tush audit firmasidada auditor, Toyota kompaniyasida moliyachi
Sharipov Ramziddin – Germaniyadagi Göttingen shahri Vesting Consulting firmasi “Soliq maslahatchisi” hamda Gannover Quyi Saksoniya viloyati sog‘liqni saqlash qo‘mitasida “Moliyachi buxgalter”;
Kadirov Maksim – MCHJ «SDQ MANAGEMENT ADVISORI GROUP» Moliya direktori;
Kadirov Jasur – MCHJ «SDQ MANAGEMENT ADVISORI GROUP» direktori muovini kabi yuqori lavozim egalari ushbu kafedrada tahsil olib, bugungi kunda nafaqat temir yo‘l balki jamiyatning iqtisodiy rivojiga o‘z xissalarini qo‘shib kelmoqdalar.

IntegratsiYa. Kafedramiz professor-o‘qituvchilari MDH davlatlari bilan integratsiya bo‘yicha halqaro shartnomalar tuzib, ular bilan hamkorlikda vebinarlar o‘tkazib kelinmoqda.

Jumladan:

– i.f.n., dotsenti G.T.Zakirova tomonidan, O‘zbekiston respublikasi Adliya vazirligi huzuridagi Davlat xizmatlari agentligi Toshkent shahar boshqarmasida, “O‘zbekiston Respublikasi soliq tizimidagi islohotlar” mavzusidagi seminar tashkil etib, o‘tkazishdi. Ushbu seminarda kafedra dotsentlari G.T.Zakirova, S.M. Sultanova, katta o‘qituvchi M.M.Yuldasheva ma’ruza bilan qatnashdilar. Ishtirokchilar o‘zaro soliq tizimidagi islohotlarga oid huquqiy masalalr yuzasidan tegishli ma’lumotlar olishdi va mavzu yuzasidan fikr almashishdi;

– i.f.n., dotsenti G.T.Zakirova tomonidan, Toshkent Davlat Iqtisodiyot Universiteti, Rossiyaning Ural Davlat Iktisodiyot Universiteti va Toshkent Davlat Transport Universiteti bilan hamkorlikda “Sovremenniye podxodi k onlayn obrazovaniyu: studenti i prepodovateli” mavzusida ONLAYN VEBINAR seminar o‘tkazildi. Unda, ushbu institut va universitetlar professor-o‘qituvchilari, aspirantlar, magistrlar va bakalavrlari ishtirok etishib, mavzuga oid fikr almashishdi;

– katta o‘qituvchisi M.M.Yuldasheva va “O‘zbekiston temir yo‘llari” AJ Moliya boshkarmasining “Moliyaviy hisobotning xalqaro standartlari”ni joriy qilish sektori boshligi J.A.Razzoqov bilan “Moliyaviy hisobotning xalqaro standartlarini joriy qilishning zaruriyati” onlayn konferensiya o‘tkazildi. Konferensiyada xalqaro standartlarning O‘zbekiston xududida joriy qilinishining xozirgi kundagi holati, xalqaro standartalrining O‘zbekiston Respublikasi moliyaviy tizimidagi hisobotlarning farqli tomonlari o‘rganib chiqildi.

– i.f.n., dotsenti G.T.Zakirova tomonidan, Toshkent Davlat Transport Universiteti bazasida Toshkent davlat iqtisodiyot universiteti, Rossiya Federatsiyasidagi Tula Davlat Universiteti, Moskva cho‘yan quyish va eritish injenerlari instituti (MIISiS) bilan xalqaro vebinar tashkil etildi va o‘tkazildi. Vebinar mavzusi «Ta’lim sifatini oshirishda yosh pedagog va «Ustoz-shogird» xarakatining roli; yutuq va kamchiliklari». Unda, ushbu universitetlar professor-o‘qituvchilari, aspirantlar, magistrlar va bakalavrlari ishtirok etishdi hamda fikr almashishdi.

– i.f.n., dotsenti S.M.Sultanova Toshkent Davlat Transport Universiteti “Buxgalteriya hisobi” kafedrasi tomonidan “Raqamli iqtisodiyot sharoitida yuqori malakali kadrlarni tayyorlashda zamonaviy yondashuvlar” mavzusi muhokamasi halqaro onlayn konferensiya o‘tkazildi. Konferensiyada Rossiya Federatsiyasi Povolj davlat texnologiya universiteti “Buxgalteriya hisobi, audit va iqtisodiy xavsizlik” kafedrasi professor-o‘qituvchilari, shu jumladan, i.f.d., professor Pozdeyev V.L., i.f.n.,dotsent Strelnikova N.M., i.f.n., dotsent Cherkasova T.I., hamda Qozog‘iston Respubikasi akademik YE.A. Buketov nomidagi Karaganda davlat universiteti “Buxgalteriya hisobi va audit” kafedrasi professor-o‘qituvchilari, jumladan i.f.n.,dotsent Sizdikova Elmira Jaslanovna, i.f.n.,dotsent Kabdibay Assel Kabdisulatovna va boshqalar qatnashdi.

Kafedradagi 2 ta ilmiy to‘garak faoliyat yuritib, unda iqtidorli talabalar 40 nafardan ziyodni tashkil qiladi:

“Temir yo‘l transportida buxgalteriya hisobini tashkil etish” nomli to‘garak bo‘lib ilmiy-tadqiqot yo‘nalishi “Temir yo‘l transportida buxgalteriya hisobini rivojlantirish muammolari” Ilmiy to‘garakning ilmiy rahbari katta o‘qituvchi Igamberdieva K.E.

“Buxgalteriya hisobining axborot tizimlari va texnologiyalari» to‘garagi. Bu to‘garakning ilmiy-tadqiqot yo‘nalishi: “Transport korxonalarida buxgalteriya hisobi axborot tizimlari va texnologiyalarni tatbiq etish masalalari”bo‘lib, i.f.n., prof.v.b. Sultanova M.

f.n., prof.v.b. Sultanova S.M. rahbariligida Rossiya Federatsiyasi Yoshkar-Ola shaxrida o‘tkazilgan “Statistika” fanidan talabalar halqaro Internet Olimpiadada 5-ta iqtidorli talabalar qatnashib 1-ta oltin, 2-ta kumush medallarni qo‘lga kiritishdi. .

“Buxgalteriya hisobi va audit” fani bo‘yicha universitet talabalari o‘rtasida RESPUBLIKA TALABALAR OLIMPIADASIda talabalarimiz qatnashib g‘oliblikni qo‘lga kiritishdi

Shuningdek to‘garakdan tashqari «Iqtidorli yoshlar” nomli klub tashkil etilgan bo‘lib klub a’zolari “Yosh buxgalter-auditor” tanlovida sovrinli o‘rinlar egallashdi. Shu bilan birga kafedra pofessor o‘qituvchilari iqtidorli talabalar bilan ishlash jarayonida hammualliflikda maqola va tezislar chop etishgan, turli xalqaro, respublika va universitet miqyosida o‘tkazilgan seminar (vebinar), konferensiyalarda ishtirok etib keladilar.

Kafedrada fanlar zamonaviy multimediya va kompyuter texnologiyalari bilan ta’minlangan auditoriyalarda yetakchi fanlar bo‘yicha kafedrada muammoli ma’ruzalar ham olib boriladi. Dars berish jarayonida ilg‘or pedagogik texnologiyalari, ko‘plab inovatsion, metodik rivojlantirish hamda interaktiv o‘qitish usullaridan foydalaniladi. Amaliy mashg‘ulotlarni o‘tish uchun masalalar to‘plami yaratilgan bo‘lib o‘quv-amaliy buxgalteriya hisobini o‘qitish mobaynida kafedra kompyuterlariga o‘rnatilgan, zamonaviy buxgalteriya dasturlaridan “UZTO”, “E.STAT”, “”E-aktiv”, “1S:Predpriyatiye”, “DIDOX” foydalaniladi.

Ta’kidlab o‘tish lozimki, “Buxgalteriya hisobi” – har bir korxona tashkilot, muassasa, uyushmalarda yuritilib, ularning xo‘jalik faoliyatini to‘liq yoritib beradi. Xo‘jalik faoliyatini amalga oshirish uchun esa, albatta xo‘jalik mablag‘lariga, ularni tashkil topish manbasiga ega bo‘lishlari zarur bo‘ladi, hamda albatta turli xo‘jalik jarayonlari orqali bu maqsadga erishadilar.

Korxonalar, tashkilotlarda yuritiladigan buxgalteriya hisobi «O‘zbekiston Respublikasi buxgalteriya hisobi to‘g‘risida»gi qonuniga, Buxgalteriya hisobi milliy standartlariga (BHMS), Moliyaviy hisobotning halqaro standartlariga (MXHS) asoslanib olib boriladi. Korxonalar buxgalteriya hisobi shu korxonalar faoliyatini uzluksiz, yoppasiga kuzatib, hujjatlashtirib, yig‘ilgan ma’lumotlarni baholash orqali schyotlar tizimida ikki yoqlama yozuv yordamida aks ettiradi, hamda hisob ma’lumotlari haqiqiyligini inventarizatsiya yordamida tekshirib, aniq va to‘g‘ri hisob ma’lumotlari asosida buxgalteriya balansi va hisobotlarini tuzadi.

Hozirgi kunda, raqamli iqtisodiyot islohotlarining takomillashtirilishi natijasida korxonalar faoliyatining samaradorligini oshirish, auditorlik tekshiruvidan o‘tkazish hamda hisob-kitobni yaxshilash maqsadida ularga maslahat, huquqiy va boshqa turlardagi yordam ko‘rsatadigan malakali xizmatning yangi shakli – auditorlik faoliyatiga ehtiyoj yanada kuchaymoqda.

Buxgalteriya hisobi – bu qarorlarni qabul qilish maqsadida iqtisodiy voqealar natijalaridan kelib chiqib tabaqalashtirilgan yozuv jarayoni yordamida ma’lumot tayyorlashdan iborat bo‘lsa, buxgalteriya ma’lumotlarining auditi esa jarayonida yozib qo‘yilgan ma’lumot, ya’ni tekshirilayotgan davrda sodir etilgan iqtisodiy voqealar to‘g‘ri aks etilganligini aniqlaydi.

Audit vakolati bo‘lgan shaxslar – auditorlar (auditorlik firmalar) tomonidan, xo‘jalik yurituvchi subektlarning moliyaviy hisobotining ishonchliligi hamda moliyaviy va xo‘jalik operatsiyalari, O‘zbekiston Respublikasi amaldagi qonunchiligi va boshqa meyoriy hujjatlarga muvofiq ekanligini aniqlash maqsadida:

mustaqil ekspertiza va tahlil qilish;

buxgalteriya hisobi va moliyaviy hisobotlarga qo‘yiladigan talablarga muvofiqligini, ularning to‘liqligi va aniqligini tekshirish;

audit tarkibiga konsalting xizmati – mijozlarga shartnomaga asosan buxgalteriya hisobi va moliyaviy hisobotlarni to‘g‘ri yuritish bo‘yicha tavsiyalar beradi.

Hozirgi kunda kafedrada ilmiy-pedagogik tarkibida 11ta professor-o‘qituvchilar faoliyat yuritmoqda, jumladan 5 ta i.f.n dotsent; 4 ta katta o‘qituvchi, 2 ta assistent hamda 2 ta ko‘makchi yordamchi xodimlar iqtisodchi kadrlarni tayorlash va universitetning moddiy bazasining mustahkamlanishiga o‘z xissalarini qo‘shib kelmoqdalar. Shuningdek professor-o‘qituvchilar muntazam yangiliklar bilan ta’minlanish maqsadida muntazam malakalarini oshirib turishadi. 2021 yilda barcha kafedra professor-o‘qituvchilari Rossiya federatsiyasining Federal davlat avtonom oliy ta’lim muassasasi “Qozon (Volga) federal universitetida “Upravleniye kachestvom obrazovaniya v VUZe” kursi bo‘yicha malakalarini oshirdi. Bundan tashqari i.f.n., prof.v.b. S.M.Sultanova, i.f.n., prof.v.b. A.B.Djumanova, katta o‘qituvchi K.E.Igamberdiyeva, katta o‘qituvchi N.U.Babaxanovalar “Profi tranning” biznes maktabida “MSFO: nachalo” kursida o‘z bilim malakalarini oshirib, diplomga ega bo‘lishdi.

Kafedra a’zolarining ilmiy salohiyatini yanada oshirish maqsadida “O‘zbekiston temir yo’llari” AJ “Moliya” boshqarmasi bilan doimiy aloqalar tuzilgan. Bunday aloqalar kafedra ilmiy ishlarni yuritishda va o‘quv jarayonida foydalanish uchun ma’lumotlarni olishda qulayliklar yaratadi. Shu bilan birga kafedra professor-o‘qituvchilari tomonidan “O‘TY” AJ buxgalteriya xodimlariga muntazam ravishda malakalarini oshirish bo‘yicha ma’ruzalar olib boradilar.

Kafedrada buxgalteriya hisobi, moliya va soliq siyosatini mukammallashtirish, moliyaviy–iqtisodiy ko‘rsatkichlarni izlash va resurslarni tejash bo‘yicha ilmiy izlanishlarga ham katta ahamiyat qaratilagan.

Aytib o‘tish joizki professor-o‘qituvchilar o‘quv jarayoni bilan bir qatorda katta ilmiy faoliyatni ham olib boradilar. Ular turli xalqaro, respublika va universitet miqyosida o‘tkazilgan seminar (vebinar), konferensiyalarda doimiy ishtirok etadilar. Kafedra xodimlari tomonidan nashr etilgan uslubiy-metodik ishlar transporti vazirligi, ta’lim muassasalari bosh boshqarmasi tomonidan tasdiqlangan bo‘lib bugungi kunda ulardan o‘qitish jarayonida keng foydalanilmoqda.

Bakalavriat yo‘nalishlari

Magistratura yo‘nalishlari

70410101 - Buxgalteriya hisobi (temir yo‘l transporti)

KAFEDRA MUDIRI

Babaxonova Nilufar Usmandjonovna

Katta oʼqituvchi ,

KAFEDRA PROFESSOR O`QITUVCHILARI TARKIBI

Djumanova Ayjan Baxtiyarovna

, Iqtisod fanlari nomzodi

Raximberdiyev Ismoil Ubaydullayevich

, Iqtisod fanlari nomzodi

Alimov Ilxomjon Ikromovich

, Iqtisodiyot fanlari nomzodi

Zakirova Guliston Toksonovna

, Iqtisod fanlar nomzodi

Sultanova Sonya Maxmudovna

, Iqtisod fanlari nomzodi

Yuldasheva Minavar Mirzaxmatovna

Kushakova Ma’mura Narimanovna

Igamberdiyeva Kunduz Ergashevna

Atakuziyeva Shaxnoza Raxmatillayevna

Artikova Rayxona Amanbayevna

Ilmiy markaz

O‘quv laboratoriyalari

Yangiliklar

30/08/24