TDTU

Aviatsiya injiniringi

Kafedra tarixi

Toshkent aviatsiya zavodning samolyotsozlik mutaxassislariga bo‘lgan talab va ehtiyojlari ortganligi sababli, 1964 yil ToshPI tarkibida №1-sonli “Samolyotsozlik texnologiyasi” kafedrasi tashkil qilindi. Kafedrasining asoschisi hamda birinchi mudiri bo‘lib t.f.n., dotsent Georgiy Isaevich Yakunin tayinlangan.

Кeyinchalik ushbu kafedra bazasida 2 kafedra – “Aviatsiya materiallari texnologiyasi” (AMT) va “Samolyotlar ishlab chiqarish texnologiyasi” tashkil topdi.

O‘zbekiston Respublikasi Prezidenti I.А.Karimovning Farmoniga binoan, 1995 yilning 31 mayida Samolyotsozlik fakulteti, Kiyev fuqaro aviatsiyasi injenerlari institutining Toshkent filiali va Toshkent aviatsiya kolleji asosida Toshkent davlat aviatsiya instituti tashkil qilindi. Institutning tashkil qilinishida, 1995 yil O‘zbekiston Respublikasi Oliy va O‘rta maxsus ta’lim vaziri О.U.Salimov, “Samolyotsozlik” fakulteti dekani, professor К.B. Usmonov va fakultetning yetakchi professor–o‘qituvchilari faollik ko‘rsatdilar. Uning tarkibida 3 ta: Umumtexnika, Aviakoinot va Fuqaro aviatsiyasi fakultetlari tashkil qilindi.

Aviatsiya fakulteti tarkibida – “Uchish apparatlarining detallarini ishlab chiqarish texnologiyasi” (UADIChT), “Uchish apparatlarini ishlab chiqarish texnologiyasi” (UAIChT) va “Uchish apparatlari konstruksiyasi va ularni loyihalash” kafedralari tashkil etildi.

Fuqaro aviatsiyasi fakultetida tarkibida – “Uchish apparatlari va aviatsiya dvigatellaridan texnik foydalanish” kafedrasi tashkil etildi.

“Uchish apparatlarining detallarini ishlab chiqarish texnologiyasi” kafedrasida o‘z vaqtida dots. R.X.Saydaxmedov, prof. К.B.Usmanov, “Uchish apparatlarini ishlab chiqarish texnologiyasi” kafedrasida esa dots. T.A.Sagdiev, dots. M.M.Ishonkulov, dots. A.M.Abduvaliev, prof. R.Saydaxmedov, “Uchish apparatlari konstruksiyasi va ularni loyihalash” kafedrasida dots. A.Sultanov va “Uchish apparatlari va aviatsiya dvigatellaridan texnik foydalanish” kafedrasida prof. N.Ortiqovlar mudirlik qilganlar.

Institut tuzilmasini qayta tashkil qilish munosabati bilan 2005 yilda “Uchish apparatlarining detallarini ishlab chiqarish texnologiyasi” va “Uchish apparatlarini ishlab chiqarish texnologiyasi” kafedralari birlashtirildi va “Uchish apparatlarining ishlab chiqarish texnologiyasi” deb nomlandi. 2005 – 2008 yillarda kafedraga prof. К.B.Usmanov mudirlik qilgan.

2008 yilda O‘zbekiston Respublikasi Vazirlar Maxkamasining 2008 yil 18 iyundagi 134-sonli qaroriga binoan Toshkent davlat aviatsiya instituti tugatilib, Аbu Rаyhon Beruniy nomidagi Toshkent davlat texnika Universiteti tarkibiga «Aviatsiya fakulteti» sifatida qo‘shildi.

Shu munosabat bilan “Uchish apparatlarining ishlab chiqarish texnologiyasi” kafedrasining nomi “Aviasozlik” kafedrasiga o‘zgartirildi. 1 noyabr 2008 yildan “Aviasozlik” kafedrasi mudiri lavozimida prof. R.Saydaxmedov ishlab kelgan.

2010 yilda rektorning buyrug`i bilan “Aviasozlik” hamda “Uchish apparatlari konstruktsiyasi va aerodinamikasi” kafedralari birlashtirildi va kafedraning nomi “Aviasozlik” deb yuritila boshlandi. Кafedraga 2010 yildan t.f.n N.A. Abdujabarov rahbarlik qilib kelgan.

2014 yilda rektorning buyrug`i bilan “Aviasozlik” hamda “Aviatsiya va raketa-kosmik texnikadan foydalanish” kafedralari birlashtirildi va kafedraning nomi “Aviasozlik va havo kemalaridan texnik foydalanish” deb yuritila boshlandi. Кafedraga 2014 yildan 2015 yil oktyabr oyigacha t.f.n. N.A. Abdujabarov rahbarlik qilib kelgan. 2015 yil oktyabr oyidan boshlab t.f.n., dotsent T.A. Sagdiyev kafedraga rahbarlik qilmoqda

2016 yil may oyida Vazirlar Mahkamasining qaroriga ko‘ra TDTU tuzilmasi qayta ko‘rib chiqildi. Unga ko‘ra kafedraning nomi “Havo kemalarining texnik ekspluatatsiyasi va jihozlari”ga o‘zgartirildi va Mashinasozlik texnologiyalari fakulteti tarkibiga qo‘shildi.

2017 yil iyul oyida kafedraning nomi “Havo kemalari va jihozlarining texnik ekspluatatsiyasi”ga o‘zgartirildi va Muhandislik texnologiyalari fakulteti tarkibiga qo‘shildi.

2019 yil fevral oyidan kafedra “Aviakosmik texnologiyalari“ fakulteti tarkibiga qo‘shildi.

2020 yil avgust oyidan yangi tashkil etilgan Toshkent davlat transport universiteti tarkibiga “Aviatsiya injiniringi” kafedrasi nomi bilan qo‘shildi.

“Aviatsiya injiniringi” kafedrasi fakultetning mutaxassis tayyorlovchi kafedrasi hisoblanadi. Кafedrada hozirda 5310400 – “Havo kemalaridan texnik foydalanish”, 5314000 – “Aviasozlik”, 5314200 – “Uchuvchisiz aviatsiya komplekslarining texnik va texnologik ekspluatatsiyasi”, 5314000 – “Aviatsiya injiniringi (Aviasozlik)”, 5314000 – “Aviatsiya injiniringi (Uchuvchisiz uchish apparatlari aviatsiya majmualari)”, 5313900 – “Dronlarni loyihalash va ekspluatatsiya qilish” yo‘nalishlari bo‘yicha bakalavrlar va 5A310405 – “Havo kemalari va aviatsiya dvigatellaridan foydalanish” magistratura mutaxassisliklari bo‘yicha magistrlar tayyorlanadi.

Quyidagi fanlar o’qitiladi

Parvoz xavfsizligi;
Aviatsiya dvigatellari;
Aviatsiya dvigatellari;
Aerodinamika asoslari;
Mutaxassislikka kirish;
Havo kemalari jihozlari;
Kompyuterli loyihalash;
Aviatsiya materialshunosligi;
Fuqaro aviatsiya aeroportlari;
Aviatsiya texnikasi diagnostikasi;
Havo transportida yuklarni tashish;
Aviatsiyada normativ-huquqiy hujjatlar;
Havo kemalarini texnik ekspluatatsiyasi;
Aviatsiyada yonilg‘i-moylash materiallari;
Havo kemalari ekspluatatsion ishonchliligi;
Havo kemalari konstruksiyalarini loyihalash;
Uchuvchisiz uchish apparatlarini loyihalash;
Fuqaro aviatsiyasi normativ-huquqiy hujjatlari;
Aerodinamika va uchish apparatlarining tuzilishi;
Uchuvchisiz uchish apparatlarini nazariy asoslari;
Havo kemalari va aviatsiya dvigatellarini ta’mirlash;
Uchish apparatlarini ishlab chiqarish texnologiyasi;
Uchish apparatlari konstruksiyasi va mustahkamligi;
Uchuvchisiz uchish apparatlarini ekspluatatsiya qilish;
Havo kemalari konstruksiyasida kompozitsion materialla;
Uchuvchisiz uchish apparatlari konstruksiyasi va mustaxkamligi;
Uchish apparatlari aerodinamikasi va parvoz dinamikasi asoslari;
Aviatsiya materialshunosligi va konstruksion materiallar texnologiyasi;
Uchish apparatlarini ishlab chiqarishda yig‘uv-montaj va sinash ishlari;
Aviatsiya texnikasiga texnik xizmat ko‘rsatish jarayonlarini boshqarish;
Uchuvchisiz uchish apparatlari aerodinamikasi va parvoz dinamikasi asoslari;
Uchish apparatlari detallarini ishlab chiqarish va ta’mirlash moslamalarini loyihalash.

Bakalavriat yo‘nalishlari

Magistratura yo‘nalishlari

70712604 - Havo kemalari va aviatsiya dvigatellaridan foydalanish

KAFEDRA MUDIRI

Abdujabarov Nuriddin Anvarovich

Dotsent , Texnika fanlari nomzodi

KAFEDRA PROFESSOR O`QITUVCHILARI TARKIBI

Kadirbekova Kutpinisa Karimovna

, Texnika fanlari doktori

Sagdiev Tulkun Axmedjanovich

, Texnika fanlari nomzodi

Xusnutdinova Xamida Xafizovna

Aliakbarov Dilmurod

Raximkariyev Kaxramon Abduvaxabovich

Xalilov Xojakbar Tofiq-o’gli

Abdullayev Ravshan Hudaeberganovich

G’ozixonov Shuxrat Asrorovich

Shokirov Rakhimjon

Jabborov Alim

Qambarov Doniyorbek Kenjaboy o‘g‘li

Ilmiy markaz

O‘quv laboratoriyalari

Aviatsiya injiniringi o`quv laboratoriyasi

Yangiliklar

30/08/24