O‘zbekiston Respublikasi Prezidentining 2017 yil 20 apreldagi PQ-2909-sonli “Oliy ta’lim tizimini yanada rivojlantirish chora-tadbirlari to‘g‘risida”gi, 2018 yil 5 iyundagi PQ-3775-sonli “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi qarorlari hamda Prezidentimizning Reslublikamiz shaharlarida olib borilayotgan qurilish ishlari bilan tanishish jarayonida shaharlarni qaytadan qurish, yangi yo‘ldosh shaharchalarni barpo qilish, shaharlarda yo‘l infratuzilmalarini takomillashtirish, shahar yo‘llarida harakat xavfsizligi va qulayligini oshirish bo‘yicha bergan topshiriqlarini bajarish uchun shahar yo‘llari va ko‘chalarini loyihalash, qurish va ekspluatasiya qiladigan yuqori malakali va raqobatbardosh kadrlarni tayyorlashga bo‘lgan ehtiyoj mavjudligi sabab Toshkent avtomobil yo‘llarini loyihalash, qurish va ekslluatasiyasi ilstitutida 2019/2020 o‘quv yilidan yangi bakalavriatura va magistratura ta’lim yo‘nalishlari, sirtqi (maxsus-sirtqi) ta’lim mutaxassisliklari bo‘yicha qabul oshganligi, yangi o‘quv rejalardagi fanlar sonini ko‘payishi, o‘quv yuklama soatlarini oshishini hisobga olgan holda 2019 yilning 30 avgustdagi institut Kengashining 1-sonli qaroriga asosan

O‘zbekiston Respublikasi Avtomobil Yo‘llari Davlat Qo‘mitasi

Toshkent Avtomobil Yo’llarini Loyihalash, Qurish va Ekspluatatsiyasi Instituti Rektorining 31-avgust 2019 yil №679-sonli “Institut fakultet va kafedra tuzilmalariga o‘zgartirish kiritish to‘g‘risida”gi buyrug’iga asosan

2019/2020 o‘quv yili qabuli bo‘yicha yangi ta’lim yo‘nalishlari va mutaxassisliklari bo‘yicha talabalarni qabul qilish kvotasi oshirilganligi va shahar yo‘llari va ko‘chalarini loyihalash, qurish, rekonstruksiya va ekspluatasiya qilish korxonalari va tashkilotlari uchun yuqori malakali va raqobatbardosh kadrlar tayyorlashni inobatga olgan xolda, Avtomobil yo‘llari va sun’iy inshootlar fakulteti tasarrufidagi “Avtomobil yo‘llarini qurish va ekspluatasiya qilish”, “Avtomobil yo’llarini qidiruv va loyihalash”, “Ko’priklar, tonnellar va yo’l o’tkazgichlar” kafedralari negizida yangi “Shahar yo’llari va ko’chalari” kafedrasitashkil etildi va institut strukturasiga kiritildi.

“Shahar yo’llari va ko’chalari” kafedrasi shtatlari “Avtomobil yo’llarini qurish va ekspluatasiya qilish”, “Avtomobil yo’llarini qidiruv va loyihalash”, “Ko’priklar, tonnellar va yo’l o’tkazgichlar” kafedralari professor-o’qituvchilari tarkibidan shakllantirildi.

O‘zbekiston Respublikasi Prezidentining 04.05.2020, PQ-4703 “Transport sohasida kadrlar tayyorlash tizimini tubdan takomillashtirish chora-tadbirlari to‘g‘risida” qarori ijrosida Toshkent Temir yo‘l muhandislari instituti, Toshkent avtomobil yo‘llarini loyihalash, qurish va ekspluatatsiyasi instituti hamda Toshkent davlat texnika universitetining aviakosmik texnologiyalari fakulteti negizida Toshkent davlat transport universiteti tashkil etildi. Universitet strukturasiga “Shahar yo’llari va ko’chalari” kafedrasi kiritildi.

“Zamin gruntlari” to’garagi

“Zamin gruntlari” to‘garagi o‘z faoliyatini  “Qurilish” fakultetining “Shahar yo’llari va ko’chalari” kafedrasi qoshida ancha yillardan buyon faoliyat olib bormoqda. Bu to‘garakning ilmiy rahbari – katta o‘qituvchi Sh.R.Xalimova.

Ushbu to‘garak reja asosida “Zamin gruntlari” to‘garagida talabalarning faqatgina bilim jihatidan emas, balki, chaqqonlik, zukkolik, ijodkorlik qobiliyati kabi jihatlarini ham shakllantirish maqsadida muntazam ravishda to‘garak a’zolari orasida  “Bilimdonlar bellashuvi” tadbiri o‘tkazib kelinadi.

Laboratoriyamiz

Bizning muhandislik geologiyasi va gruntlar mexanikasi laboratoriyamizda talabalar «Muhandislik geologiyasi va gruntlar mexanikasi», «Zamin va poydevorlar» fanlaridan 30 ga yaqin laboratoriya ishlarini bajaradilar – ular tog’ jinslarining xususiyatlarini o’rganadilar; gruntlarning fizik-mexanik va suv xususiyatlari; va ularni QMQ me’yorlari bilan baholashadi. Har bir laboratoriya ishini bajarish uchun bizning laboratoriyamizda tegishli asbob va uskunalar mavjud.