TDTU

Avtomobil yo’llaridagi sun’iy inshoatlar

Kafedra tarixi

1973-yili Toshkent avtomobil yo‘llari institutiga o‘zbek va rus guruhlaridan tashkil topgan 50 ta talaba “Ko‘prik va tonnellar” mutaxassisligi bo‘yicha o‘qishga qabul qilindilar, bulardan 25ta talaba o‘zbek va 25ta talaba rus guruhiga. Shundan so‘ng 1974 yil O‘zbekiston Oliy va o‘rta maxsus ta’lim Vazirligining 1 aprel № 211-sonli buyrug‘iga binoan va Toshkent avtomobil-yo‘llar instituti rektori professor Mutalibov Abdusalom Abdug‘anievichning 1974yil 25aprel № 257-l buyrug‘iga asosan “Ko‘priklar va tonnellar” kafedrasi tashkil etilgan.

O‘tgan yillar ichida kafedrada ikki bosqichli oliy ta’limga o‘tish munosabati bilan 5340600 “Transport inshootlarining ekspluatatsiyasi” 5340800 “Avtomobil yo‘llari va aerodromlar” ta’lim yunalishlari bo‘yicha bakalavrlar va 5341602 “Transport inshootlarining ekspluatatsiyasi”, 5A340205 “Ko‘priklar, tonnellar va metropoliten qurilishi” mutaxassisligi bo‘yicha magistrlar tayyorlandi O‘tgan yillarda kafedrada 80 dan ortiq chet ellardan kelgan talabalar ta’lim olishdi. Kafedra bitiruvchilari O‘zbekiston Respublikasi va MDH mamlakatlarining yo‘l-ko‘prik qurish va loyihalash tashkilotlarida, O‘zbekiston Respublikasi avtomobil yo‘llari Davlat Qo‘mitasi va “O‘zbekiston temir yo‘llari” Davlat aksionerlik Kompaniyalari bo‘linmalarida, Metroqurilish trestida, davlat idoralari va ilmiy-pedagogik sohalarda muvaffaqiyatli ishlayaptilar.

2006/2007 o‘quv yilidan boshlab “Ko‘priklar, tonnellar va yo‘lo‘tkazgichlar” qoshida “Ko‘priksoz” to‘garagi va “Qurilish muammolari” yo‘nalishi bo‘yicha ilmiy-tadqiqot Markazi tashkil etildi va o‘z faoliyatini olib bordi, Markazni O‘zbekiston Davlati Beruniy nomidagi mukofot laureati t.f.d., prof., A.A. Ishanxodjaev boshkardi.

O‘zbekiston Respublikasi Prezidentining 2017 yil 20 apreldagi PQ-2909-sonli “Oliy ta’lim tizimini yanada rivojlantirish chora-tadbirlari to‘g‘risida”gi, 2018 yil 5 iyundagi PQ-3775-sonli “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi qarorlari hamda Prezidentimizning Reslublikamiz shaharlarida olib borilayotgan qurilish ishlari bilan tanishish jarayonida shaharlarni qaytadan qurish, yangi yo‘ldosh shaharchalarni barpo qilish, shaharlarda yo‘l infratuzilmalarini takomillashtirish, shahar yo‘llarida harakat xavfsizligi va qulayligini oshirish bo‘yicha bergan topshiriqlarini bajarish uchun avtomobil yo’llaridagi sun’iy inshootlarni loyihalash, qurish va ekspluatasiya qiladigan yuqori malakali va raqobatbardosh kadrlarni tayyorlashga bo‘lgan ehtiyoj mavjudligi sabab Toshkent avtomobil yo‘llarini loyihalash, qurish va ekslluatasiyasi institutida 2019/2020 o‘quv yilidan yangi bakalavriatura va magistratura ta’lim yo‘nalishlari, sirtqi (maxsus-sirtqi) ta’lim mutaxassisliklari bo‘yicha qabul oshganligi, yangi o‘quv rejalardagi fanlar sonini ko‘payishi, o‘quv yuklama soatlarini oshishini hisobga olgan holda 2019 yilning 30 avgustdagi institut Kengashining 1-sonli qaroriga asosan.

O‘zbekiston Respublikasi Avtomobil Yo‘llari Davlat Qo‘mitasi

Toshkent Avtomobil Yo’llarini Loyihalash, Qurish va Ekspluatatsiyasi Instituti Rektorining 31-avgust 2019 yil №679-sonli “Institut fakultet va kafedra tuzilmalariga o‘zgartirish kiritish to‘g‘risida”gi buyrug’iga asosan

2019/2020 o‘quv yili qabuli bo‘yicha yangi ta’lim yo‘nalishlari va mutaxassisliklari bo‘yicha talabalarni qabul qilish kvotasi oshirilganligi va avtomobil yo’llaridagi sun’iy inshootlarni loyihalash, qurish, rekonstruksiya va ekspluatasiya qilish korxonalari va tashkilotlari uchun yuqori malakali va raqobatbardosh kadrlar tayyorlashni inobatga olgan holda, Avtomobil yo‘llari va sun’iy inshootlar fakulteti tasarrufidagi “Avtomobil yo‘llarini qurish va ekspluatasiya qilish”, “Avtomobil yo’llarini qidiruv va loyihalash”, “Ko’priklar, tonnellar va yo’l o’tkazgichlar” kafedralari negizida yangi “Ko’priklar, tonnellar va yo’lo’tkazgichlar ” kafedrasi tashkil etildi va institut strukturasiga kiritildi.

O‘zbekiston Respublikasi Prezidentining 04.05.2020, PQ-4703 “Transport sohasida kadrlar tayyorlash tizimini tubdan takomillashtirish chora-tadbirlari to‘g‘risida” qarori ijrosida Toshkent Temir yo‘l muhandislari instituti, Toshkent avtomobil yo‘llarini loyihalash, qurish va ekspluatatsiyasi instituti hamda Toshkent davlat texnika universitetining aviakosmik texnologiyalari fakulteti negizida Toshkent davlat transport universiteti tashkil etildi. Universitet strukturasiga “Avtomobil yo’llaridagi sun’iy inshootlar ” kafedrasi kiritildi.

Hozirgi paytda kafedra yetarli darajada malakali professor-o‘qituvchilar bilan ta’minlangan. Kafedra asosiy shtatida texnika fanlari doktori, professor, O‘zbekiston Davlati Beruniy nomidagi mukofoti laureati Ishanxodjaev A.A., t.f.d. dotsent Miralimov M.X., t.f.n. Almenov X., PhD Saatova N.Z., katta o‘qituvchilar Radjabov T., Shojalilov Sh.Sh., Ergashev A.T., Usmonov D.T., Mirzaolimov I., Muminov E.A., assistentlar.,Allaberganov M.S., Ospanov R.S., Kenjayev T.O., Qarshiboyev A., Safarov SH., va, shuningdek, o‘rindosh sifatida akademik Rashidov T.R.,. Toshkent temir yo‘l muhandislari instituti “Ko‘priklar va tonnellar” kafedrasi t.f.d.prof. Salixanov S., dotsenti Raupov Ch.S., dotsent PhD, D. Bekmirzaev, PhD., Nishonov N., PhD Xodjaeva Z.Sh. lar o‘quv-tarbiya va ilmiy-uslubiy ishlarni olib borishayapti.

“Avtomobil yo’llaridagi sun’iy inshootlar” kafedrasida ma’naviy-ma’rifiy va tarbiyaviy yo‘nalishda amalga oshiriladigan tadbirlar.

Kafedraning tarbiyaviy ishlar talabalarda tartib intizom, odob,axloq vatanparvarlik odamiylik xislatlarini tarbiyalashga hamda ona Vatanimizga sodiq yetuk farzand qilib tarbiyalash qaratilgan.Kafedrada olib boriladigan ma’naviy-ma’rifiy ishlarning bosh maqsadi yuksak ma’naviyatli barkamol avlod, qalban vatanparvarlik, milliy va umumbashariy qadriyatlarga sodiq, mustaqillik tafakkuri va milliy istiqlol g‘oyalari mazmun-mohiyatini teran idrok etuvchi, o‘z sohasining chuqur bilimdoni bo‘lgan komil insonni tarbiyalashdan iboratdir.

Shunga ko‘ra har yili “Avtomobil yo‘llari muhandisligi” fakulteti na’munaviy ish rejasi asosida institut ma’naviyat va ma’rifat bo‘limi, Ustoz-murabbiylar Kengashi, Xotin-qizlar Kengashi, “Yoshlar ittifoqi” bilan hamkorlikda yoshlarning ma’naviy-axloqiy tarbiyasi bo‘yicha faoliyat olib borilmoqda.

Fakultetning xar yil o‘quv yili davomida amalga oshiriladigan ma’naviy – ma’rifiy ishlar rejasi”ga asosan kafedraning o‘quv yiliga mo‘ljallangan ma’naviy – ma’rifiy va tarbiyaviy ishlar rejasi ishlab chiqiladi va o‘rnatilgan tartibda tasdiqlandi.

Ushbu reja asosida kafedra barcha murabbiylari tomonidan murabbiylik ish rejalari ishlab chiqiladi va institut ustoz murabbiy kengashi raisi tomonidan tasdiqlandi.

“Avtomobil yo’llaridagi sun’iy inshootlar” kafedrasida Ma’naviy ustozlar

O‘zbekiston Respublikasi Oliy va o‘rta maxsus ta’lim Vazirliginig “Ustoz – shogird” Nizomiga asosan institutning 2011 yil 17 sentabrdagi “Institutning akademik o‘quv guruxlariga ustoz-murabbiylar tayinlash to‘g‘risidagi” 311 – um sonli buyrug‘i bilan kafedraga biriktirilgan 1-4 bosqich o‘quv guruhlariga kafedra quyidagi professor – o‘qituvchilaridan murabbiylar tayinlandi.

Yoshlarni ma’naviy barkamol insonlar qilib tarbiyalashda yosh avlod qalbi va ongiga, ona yurtga muhabbat, istiqlolga sadoqat tuyg‘ularini chuqur singdirish masalasi bugungi kunda dolzarb ahamiyat kasb etmoqda.

Kelajagimiz poydevori bo‘lgan yoshlar bilim dargohlarida shakllanadi. Shunday ekan yoshlarni ongu-tafakkurini ma’naviy yangilash, boyitish, zamonaviy asosda shakllantirish biz ustozlarning vazifasidir.

Bu borada kafedrada bir qator tadbirlar amalga oshirilib kelinmoqda. Talaba – yoshlarni insonparvarlik va vatanparvarlik ruhida tarbiyalash, milliy tariximizni anglashda madaniyatimizning ulkan namoyondalari, yirik davlat arboblari Alisher Navoiy ,Zahiriddin Muhammad Bobur,Amir Temur ,Abdulla Qodiriy, hayoti va ijodi yuzasidan institut akademik guruhlari murabbiylik soatlarida davra suhbatlar olib borilyabti.

Shuningdek Toshkent avtomobil yo‘llarini loyihalash,qurish va ekspluatatsiyasi institutining “ODOB AXLOQ QOIDALARI” kafedraning barcha professor-o‘qituvchi va xodimlarga tarqatildi.

Mazkur Qoidalar guruh murabbiylik soatlarida talabalarga tarqatilib “ODOB AXLOQ QOIDALARI” ga qat’iy rioya qilinishi belgilandi.O‘quv yili davomida o‘tkazilgan sport musobqalari va tanlovlarda kafedra profesor-o‘qituvchilari faol ishtirok etishib sovrinli o‘rinlarni qo‘lga kiritishdi.

Shuningdek, o‘quv yili davomida o‘tkazib kelinayotgan ma’naviy-ma’rifiy tadbirlar va jamoat ishlarida muntazam qatnashib kelishmoqda. Rejaga asosan barcha murabbiylar ijarada va talabalar turar joyida yashovchi, kam ta’minlangan va oilali talabalar to‘g‘risidagi “Ma’lumotlar banki” yaratishdi va darsdan bo‘sh vaqtlarida ularning yashash sharoitlari va hayot tarzlarini o‘rganib, tegishlicha tushuntirish va targ‘ibot ishlarini amalga oshirib kelishmoqda. Bundan tashqari ijarada yashayotgan talabalar va ularning ota-onalari bilan ham muntazam suhbatlar o‘tkazilmoqda.

Yotoqxonalarda olib borilayotgan tarbiyaviy ishlar

Yotoqxonalarda olib borilayotgan tarbiyaviy ishlar ta’lim-tarbiya ishlarining bir qismini tashkil etib, kafedra mudiri va professor-o‘qituvchilar har oy belgilangan kunlarda talabalar turar joyida navbatchilikda bo‘lib, talabalar bilan turli mavzularda suhbatlar, fanlar bo‘yicha maslahatlar va kafedrada o‘qitiladigan fanlarning ahamiyati bo‘yicha muloqot soatlari o‘tkazdilar.

Kafedramiz 5-sonli talabalar turar joyida “Kafedra kuni” tadbiri tashkil etildi. Tadbirda “Ommaviy madaniyat tahdidi. Ommaviy madaniyat va u bilan bog‘liq tushunchalar talqini. Ommaviy madaniyatga qarshi kurash choralari.” Ommaviy madaniyat turlariga bag‘ishlangan hujjatli filmlar namoyish etildi.

Kafedramiz tomonidan Yoshlar o‘rtasida huquqbuzarliklarni oldini olish va ularni turli buzg‘unchi g‘oyalarning zararli tasiridan himoya qilish.

Voyaga yetmagan yoshlar tomonidan sodir etilgan jinoyatchilik holatlari, ota-onalar tomonidan farzandlar tarbiyasiga bo‘lgan befarqlikning mudhish oqibatlari, o‘smir yoshlar tomonidan qonun buzilishi, uning kelib chiqish sabablari va bunga imkoniyat berayotgan shart-sharoitlarni bartaraf etishning ustivor vazifalarga bag‘ishlangan.

Voyaga yetayotgan yosh avlodni har tomonlama mukammal, komil inson qilib tarbiyalash davlatimiz siyosatining ustuvor yo‘nalishlaridan biri. Komil inson tarbiyasida jismoniy sog‘lomlik bilan birga ma’naviy yetuklik ham muhim hisoblanadi. Kafedrada “Ko‘priksoz” to‘garagi mavjud bo‘lib, to‘garakka a’zo talabalarning umumiy soni 20 tani tashkil etadi. Jumladan, 3 kursdan 5 ta va 2 kursdan 10 ta va 1 kursdan 5 ta talaba EMJBK va JBI-2 zavodlari bilan hamkorlikda, zavodda tayyorlangan ko‘prik elementlari bilan bevosita tanishib, ularning tayyorlanish jarayoni, zo‘riqtirish usullari va qoliplanish sharoitlari bilan shug‘ullanadilar.

Quyidagi fanlar o’qitiladi

Ko‘prik inshootlari arxitekturasi;
Ko‘priklarni loyihalash va qurish;
Transport tonnellarini loyihalash;
Ko‘priklar va transport tonnellari;
Qurilish mexanikasi va konstruksiyalari;
Transport tonnellarini loyihalash va qurish;
Ko‘priklar va yo‘l o‘tkazgichlarni loyihalash;
Ko’priklar va tonnellarning zilzilabardoshliligi;
Avtomobil yo‘llari va suniy inshootlarni loyihalash;
Transport tonnellarini qurish va ekspluatatsiya qilish;
Kupriklar , tonnellar va yul utkazgichlar muhandisligi;
Ko‘priklar va transport tonnellarini ekspluatatsiya qilish;
Ko‘priklar va transport tonnellarini rekonstruksiya qilish;
Ko’priklar va tonnellarni loyihalashni avtomatizatsiyalash;
Ko’priklar va tonnellarni ekspluatatsiyasi va reabilitatsiyasi;
Ko‘priklar, va yo‘l o‘tkazgichlarni qurish va ekspluatatsiya qilish;
Ko’prik va tonnellarni qurishda geodezik va marksheyder ishlari;
Ko‘priklar, tonnellar va yo‘l o‘tkazgichlarni qurishning zamonaviy usullari;
Avtomobil yo‘llaridagi suniy inshootlarning rivojlanish tarixi va aloqa yo‘llari;
Ko‘priklar va transport tonnellarini loyihalash, qurish va ekspluatatsiya qilish;
Ko‘priklar, tonnellar va yo‘l o‘tkazgichlarni loyihalashning ilmiy-amaliy asoslari;
Ko‘priklar, tonnellar va yo‘l o‘tkazgichlarni loyihalash, qurish va ekspluatatsiya qilish.

Ilmiy faoliyat

Professor A. A. Ishanxodjaev Transport tonnellarini loyihalash va qurish. Darslik. 2021 y.
Professor I. S. Sadikov, PhD Sh. B. Axmedov, A. G‘. Yunusov. Shaxar yo‘l-transport tarmoqlarini rejalashtirish. Darslik. 2021 y.
Katta o'qituvchi T. Yu. Radjabov. Ko‘priklarni loyihalash va qurish. Grifga berilgan
Z. Saatova, E. A. Mo‘minov, M. Z. Axmadjonov. Avtomobil yo‘llaridagi sun’iy inshootlar Grifga berilgan
Axmedov Sherzod Baxodirovich. Matoli kompozitlar bilan kuchaytirilgan ko'prik temirbeton to'sinlarining mustahkamligi. Monografiya. 2021
M Miralimov, A Ishankhodjaev,KhAlmenov and E Muminov. Influencing of land transport load on structure of backfill arched road bridge
M Miralimov, Sh Normurodov1, M Akhmadjonov1 A K arshiboev. Numerical approach for structural analysis of Metro tunnel station
B Mardonov, E V An, Sh.Sh. Shojalilov, Ya T Khakimova and G B Ismailova . Transverse Vibrations of Underground Pipelines with Different Interaction Laws of Pipe With Surrounding Soils
Saatova N.Z. Shojalilov Sh.Sh. Safarov Sh. Methodology of techno-economic feasibility study for the reconstruction of road bridges.
F FAdilov, M H Miralimov, R A Abirov. To the stability of the roadbed reinforced with gabions
A. Ishanxodjaev, M.X. Miralimov, M.Z. Axmadjonov. Расчет на сейсмостойкость односводчатых станций метрополитена мелкого заложения
S. Anna,E.Kh. Kutliev, Sh.B. Akhmedov. Cosmostructural model of the malguzar mountains for ore bearing data processing on the laiyagun mineralized zone.
Axmedov Sh.B. К проблеме тектоники юго-западной территории Гиссарских гор Южного Узбекистана
Miralimov M. Тhe engineering decisions for mitigation of damages in landslide hazardous regions of Uzbekistan.
Saatova N.Z. Прогнозирование остаточного ресурса железобетонных пролетных строений (по прогибу) по результатам технической диагностики
Z. Saatova, A.A. Ishanxodjaev. Расчет эксплуатационной пригодности и надежности конструкций
Saatova N.Z. Calculation of flexible bending elements of a flight structure given their actual condition
Saatova N.Z. Метод расчета прогибов изгибаемых элементов пролетного строения с учетом их фактического состояния в момент технической диагностики.
Miralimov M.X., Muminov E.A., Axmadjonov M.Z. Автоматизация расчетов конструкций на основе МКЭ.
Axmedov Sh.B., Abdullaev A.X. Matoli kompozit materiallar bilan kuchaytirilgan temirbeton ko‘prik to‘sinlarning qiya kesimlari bo‘yicha ko‘taruvchanlik qobiliyati.
Miralimov M.H., Ergashov A.T., Safarov Sh.Sh. Строительство транспортных тоннелей с использованием технологий натм.
U.Kishanov, Sh.Sh.Shojalilov, R.S. Ospanov. Влияния силы инерции подземных трубопроводных систем при сейсмических нагружениях.