TDTU

Transport vositalari muhandisligi

Kafedra tarixi

Respublikamizda avtomobil transporti korxonalari uchun muhandis kadrlar tayyorlash 1920 yillarning oxirlarida boshlangan. Birinchi muhandis-avtomobilchilar Oʼrta Osiyo davlat universitetidagi (hozirgi O’zbekiston Milliy universiteti) melioratsiya muhandisligi fakultetida tayyorlangan.

1930 yilarda Rossiyada ishlab chiqarila boshlagan yengil va yuk avtomobillari Oʼzbekistonga keltirilgan. Ularga texnik xizmat koʼrsatish, maxsus uskunalar bilan jihozlanishi lozim boʼlgan avtokorxonalar qurish, shu soha boʼyicha muhandis tayyorlashni taqazo etgan. 1940 yilda Oʼrta Osiyo industriya instituti (SredАzII) ning energetika fakulteti qoshida «Аvtomobillar» kafedrasi tashkil qilingan.

1941 yilda Moskva avtomobil-yoʼllar instituti Toshkent viloyati Yangiyoʼl shahriga joylashtirilgan va 1941 yilning oktabr oyidan 1943 yilning oktabr oyigacha shu yerda faoliyat koʼrsatgan. Ikki yil davomida Moskva avtomobil-yo’llar institutining «Аvtomobillar» kafedrasi va Oʼrta Osiyo industriya instituning “Аvtomobillar” kafedrasi hamkorlikda ishlagan va buning natijasida yangi oʼquv metodik materiallar bilan boyitilgan.

1942 yilda “Аvtomobillar” kafedrasi energetika fakultetidan mexanika fakulteti tarkibiga oʼtkazilib, kafedra mudirligiga t.f.n., dots. А.N. Ninov tayinlangan (1942-1946 yy). Kafedrada 1945 yilda, birinchi marta “Аvtomobil va avtomobil xoʼjaligi” mutaxasisligi bo’yicha 5 kishi institutni tugatgan. Birinchi bitiruvchilar orasida milliy kadrlar boʼlmagan.

1946 yilda “Аvtomobillar” kafedrasiga mudir etib avtomotosport bo’yicha sport ustasi, “Moskva–Qoraqum–Moskva” avtosinov yurishi qatnashchisi, t.f.n., dots. N.S. Аbramov tayinlangan. Uning rahbarligida “Аvtomobillar” kafedrasi 1968 yilga qadar, mexanika fakultetida, “Аvtomobil va avtomobil xoʼjaligi” mutaxasisligi boʼyicha Oʼzbekiston avtomobil korxonalari uchun muhandis avtomobilchilar tayyorlab bergan.

Respublikamizda milliy malakali oʼqituvchilar tayyorlash uchun “Аvtomobillar” kafedrasida institutni tugatgan iqtidorli mutaxasislar Moskva, Kiev va Xarkov avtomobil va yoʼllar institutlariga malaka oshirish va maqsadli aspiranturada oʼqishga yuborilganlar: А.А. Mutalibov (1948), O.U. Salimov (1950), U.А. Ikramov (1958), O.А. G’anixoʼjaev (1961), S.M. Qodirov (1963), M.O. Qodirxonov (1964), X.M. Mamatov (1965) va boshqalar. 1968 yilda Toshkent Politexnika institutining (hozirgi Toshkent Davlat texnika universiteti) mexanika fakulteti asosida “Аvtomobil va yoʼllari” fakulteti tashkil qilingan.

“Аvtomobillar” kafedrasida 2 ta mutaxassislik “Аvtomobillar ishlab chiqarish va ta’mirlash”, “Аvtomobillar va avtomobillarning texnik ekspluatatsiyasi” bo’yicha kadrlar tayyorlana boshlangan. Kafedraga 1968 yildan 1971 yilga qadar t.f.n., dots. (hozirgi kunda akademik) O.U. Salimov mudirlik qilgan. 1971 yilda kafedra “Аvtomobillar” va “Аvtomobillarning texnik ekspluatatsiyasi” kafedralariga boʼlingan.

“Аvtomobillar” kafedrasiga 1971 yildan 1984 yilgacha Oʼzbekistonda xizmat koʼrsatgan transport xodimi t.f.n., dots. B.M. Grindorf mudirlik qilgan. 1984-1985 yillarda t.f.n., dots. B.S. Sattivaldiev, 1985-1986 yillarda t.f.n., dots. B.F. Normuxamedov, 1992 yilda t.f.n., dots. J.R. Kulmuxamedov, 1986-1998 yillarda Oʼzbekistonda xizmat koʼrsatgan mexanizator, t.f.n., dots. O.А. G’anixoʼjaev, 1998-2004 yillarda t.f.n., dots. E.Z. Fayzullaev, 2004-2020 yillarda t.f.d., prof. А.А. Muxitdinov mudirlik qilganlar.

A.A. Muxitdinov rahbarlik qilgan davrda kafedraning ilmiy salohiyati oshirildi, o’quv va ilmiy yo’nalishlari kengaytirildi. Jumladan, kafedrada intellektual transport tizimlari bo’yicha magistratura va bakalavriatura mutaxassisliklarini tayyorlashga ilk zamin yaratildi. 2017 – 3516/001 – 001 raqamli «Intelligent Transport Systems: New ICT – based Master’s Curricula for Uzbekistan / INTRAS» Erasmus+ Yevropa granti asosida o’quv va me’yoriy materiallar yaratildi, zamonaviy moddiy-texnik baza shakllantirildi.

Hozirga kunda kafedra 2 ta alohida kafedralarga tarmoqlangan. Birinchisi – “Transport vositalari muhandisligi” deb nomlangan va unga t.f.f.d., U.A. Abdurazzoqov rahbarlik qilmoqda. Ikkinchisi – “Transport intellektual tizimlari muhandisligi” deb nomlangan va unga t.f.n., dots. Sh.K. Xakimov rahbarlik qilmoqda.

Quyidagi fanlar o’qitiladi

Mutaxasislikka kirish;
Ilmiy tadqiqot metodologiya;
Avtomobil avtomat tizimlari;
Avtomobillarning maxsus kursi;
Transport vositalari konstruktsiyasi;
Avtomobillarning ekspluatatsiyasida telematika;
Avtortransport vositalarini sinash va tadqiq etish;
Transport vositalari elektr jixozlari va elektron tizimlari;
Avtotransport vositalarini boshqarishning avtomat tizimlari;
Yer usti transport texnologik mashinalarini sinash va tadqiq etish;
Transport vositalari konstruktsiyasi va agregatlarining ish jarayoni va hisobi;
Ixtisoslashtirilgan transportvositalari ekspluatatsion xususiyatlari nazariyasi;
Avtotransport vositalarini tadqiqot qilishda zamonaviy o'lchov va qayd qilish vositalari;
Transport texnologik mashinalarini tadqiqot qilishda zamonaviy o'lchov va qayd qilish vositalari;
Trasnport vositalarining texnologik ekspluatatsiyasi va transportlarning tuzilishi hamda nazariyasi;
Transport vositalari konstruktsiyasi va texnik ekspluatatsiyasining rivojlanish yo'nalishlari, zamonoviy muammolari;
Yer usti transport texnologik mashinalarining xususiyatlari va ish jarayonlari ko'rsatkichlarni baholashda kompyuter texnologiyalari;
Yer usti transport texnologik mashinalari xususiyatlarini ko'rsatkichlarini va ish jarayonlarini baxolashdagi kompyuter texnologiyalari.

Bakalavriat yo‘nalishlari

Magistratura yo‘nalishlari

KAFEDRA MUDIRI

Abdurazzakov Umidulla Abdurazzakovich

Professor , Texnika fanlari bo'yicha falsafa doktori

KAFEDRA PROFESSOR O`QITUVCHILARI TARKIBI

Muxitdinov Akmal Anvarovich

, Texnika fanlari doktori

Khikmatov Ravshan Saidiumarovich

, Texnika fanlari nomzodi

Makhmudov Galib Nasimdzhanovich

, Texnika fanlari nomzodi

Kasimov Omil Kamolovich

, Texnika fanlari nomzodi

Ziyaev Kamoliddin Zuxriddinovich

, Texnika fanlari nomzodi

Sattivaldiyev Baxramjan XXX

, Texnika fanlari nomzodi

Abduraximov Lochinbek Xayitbekovich

Urunbayev Quvondiq Ulug’bek o’g’li

Tukhtamishov Sobit Sobir o’g’li

Ochilov Abdulaziz Madatovich

Anvarjonov Ahmadjon Akmaljon o’g’li

Ilmiy markaz

O‘quv laboratoriyalari

Transport vositalari muhandisligi o`quv laboratoriyasi

Yangiliklar

30/08/24