Strategik rivojlantirish dasturi

xorijiy OTMlar boshqaruv tizimi tajribasini о‘rgangan holda universitet amaldagi shtat jadvalida takroriy vakolat va funksiyalarga ega lavozimlarni qayta kо‘rib chiqish;

universitet boshqaruv tizimi va tuzilmasini takomillashtirish va optimallashtirish;

universitet boshqaruvini ISO 21001:2018 (Management systems for educational organizations) ta’lim tashkilotlarining boshqaruv tizimi xalqaro standarti bо‘yicha sertifikat olish.

xalqaro standartlarga javob beradigan “Akademik faoliyat va registrator” boshqarmasi (Registrar office) faoliyatini bosqichma-bosqich yо‘lga qо‘yish;

“Akademik faoliyat va registrator” boshqarmasini (О‘quv jarayonini muvofiqlashtirish, masofaviy ta’lim, talabalarga xizmat kо‘rsatish, qabul masalalari, shartnomaviy ta’lim xizmatlari, bitiruvchilar bilan ishlash yо‘nalishlari faoliyatini birlashtirgan holda) “yagona darcha” tamoyili asosida tashkil qilish. 

kafedralar va tarkibiy bо‘linmalarda  hujjatlarni elektron almashinuvini takomillashtirish;

“Elektron universitet” loyihasini amalga oshirish; 

universitet tarkibiy bо‘linmalarining о‘zaro hamkorligini soddalashtirish va raqamlashtirish.

boshqaruv tizimiga davlat organlari va tashkilotlarida hamda xususiy sektorda muvaffaqiyatli faoliyat yuritayotgan malakali mutaxassislarni izlab topish (headhunting) va qabul qilish mexanizmini yо‘lga qо‘yish;

universitetda kadrlarni tanlov asosida ishga qabul qilish va ular faoliyati samaradorligini baholashni takomillashtirish;

universitetda rahbarlik lavozimlari uchun munosib nomzodlarni tayyorlash maqsadida kadrlar zahirasini shakllantirish;

universitetda xodimlarni boshqarish onlayn platformasini yaratish.

5-Maqsad. Universitet faoliyatida akademik erkinlik va akademik halollik muhitini shakllantirish.

universitetda akademik erkinlikning asosiy g‘oyasi va maqsadi, amalda qо‘llash imkoniyatlari va tartibi bо‘yicha qoidalar ishlab chiqish;

xalqaro standartlar asosida universitetning akademik halollik talablarini ishlab chiqish va tasdiqlash. 

ilmiy-uslubiy kengash va fakultet kengashlaridagi takroriy vakolat va funksiyalarni hisobga olgan holda о‘quv jarayoniga oid masalalarni, ta’lim sifatiga oid masalalarni hamda ilmiy yо‘nalishdagi masalalarni kollegial tartibda kо‘rib chiqishning huquqiy asoslarini qayta ishlab chiqish.

Malakali kadrlar tayyorlash tizimini tubdan takomillashtirish, ilg‘or xorijiy tajriba asosida zamonaviy ta’lim va axborot-kommunikatsiya texnologiyalaridan samarali foydalanish hisobiga ta’lim sifatini oshirish

xorijiy tajriba asosida ta’lim yо‘nalishlari va mutaxassisliklar transformatsiyasini amalga oshirish;  

xorijiy oliy ta’lim muassasalari bilan hamkorlikda qо‘shma ta’lim dasturlari kо‘lamini kengaytirish; 

о‘zaro kelishuvlar asosida xorijiy va mahalliy oliy ta’lim muassasalari bilan akademik mobillikni amalga oshirish;

yevropa kredit tizimini tо‘liq joriy etish (tanlov fanlar bо‘yicha); 

kadr buyurmachilari talablari asosida ta’lim yо‘nalishlari xususiyatlaridan kelib chiqib ta’lim shaklini va ta’lim muddatini belgilash;

mutaxassislik fanlarini xorijiy tilda о‘qitish tizimini bosqichma-bosqich tashkil etish.

professor-о‘qituvchilar о‘quv yuklamasi hamda о‘quv-uslubiy, ilmiy-tadqiqot, tashkiliy-uslubiy va tarbiyaviy ishlarining soatlardagi hajmini hisoblashning vaqt meyorlarini belgilash;

professor-о‘qituvchilarga kasb klassifikatori asosidagi tarmoq tarif-malaka ma’lumotnomasida belgilangan lavozim vazifalariga  muvofiq о‘quv-uslubiy, ilmiy-tadqiqot, tashkiliy-uslubiy va tarbiyaviy ishlarini rejalashtirish;

professor-о‘qituvchilarning о‘quv yilidagi faoliyatini о‘rganish tartibini ishlab chiqish;

professor-о‘qituvchilar faoliyati monitoringini joriy etish.

universitet hududida  Wi-Fi zonalar ikki barobarga kо‘paytirish va internet tezligini 3 barobar oshirish;

universitet о‘quv xonalarini zamonaviy videokuzatuv vositalari bilan tо‘liq ta’minlash;

professor-о‘qituvchilarning ish joylarini axborot-kommunikatsiya tizimlari va texnikalari bilan tо‘liq ta’minlash.

takomillashtirilgan fan dasturlaridan kelib chiqib, yangidan yaratilishi lozim bо‘lgan asosiy о‘quv adabiyotlarga bо‘lgan ehtiyojni aniqlash;

2022-2026 yillarga yangi о‘quv adabiyotlarni tayyorlash bо‘yicha  mualliflar guruhini shakllantirish va о‘quv adabiyotlarini yaratish istiqbol rejasini tuzish;

о‘quv-uslubiy materiallarni tayyorlash; 

shu jumladan xorijiy tajriba bilan boyitilgan darslik, о‘quv qо‘llanmalarni yaratish;

laboratoriya va amaliy mashg‘ulotlar uchun uslubiy qо‘llanma nashr etish;

fanlardan о‘quv-uslubiy majmualarni yaratish.

ishga yangi qabul qilingan о‘qituvchilarni malakali va tajribali professor-о‘qituvchiga biriktirgan holda “Ustoz-shogird” tizimi samaradorligini oshirish;

xorijiy professor va vatandoshlarni kafedraga doimiy ishga dars berishga qabul qilish;

professor-о‘qituvchilarning ishlab chiqarish korxonalariga ishdan ajralmagan holda stajirovkasi samaradorligini oshirish;

professor-о‘qituvchilarning xorijda malaka oshirishi va stajirovkasini tashkil etish;

universitetda transport sohasida ta’lim berayotgan pedagoglar malakasini oshirish tizimini yо‘lga qо‘yish. 

talabalar qabulini kadrlar buyurtmachilari talablari asosida shakllantirish;

kafedra filiallarida о‘tkaziladigan amaliy, laboratoriya mashg‘ulotlari salmog‘ini oshirish, malakaviy va ishlab chiqarish amaliyotlarini ish joylarida amalga oshirish, sayyor darslar о‘tkazish kо‘lamini ikki barobarga oshirish; 

korxonalar salohiyatli mutaxassislarini ta’lim jarayoniga jalb qilish.

mahalliy sanoat va ishlab chiqarish korxonalari bilan olib borilayotgan loyiha va shartnomalar  hisobiga 2026 yil yakuniga qadar  tijoratlashtirish kо‘rsatkichlari hajmini 50 mlrd. sо‘mga yetkazish;

2026 yil yakuniga qadar  xalqaro loyihalar va grantlar doirasida amalga oshiriladigan ilmiy-tadqiqotlar hisobiga tijoratlashtirish mablag‘larini 1 mln. AQSH dollarga yetkazish;

universitet ilmiy-innovatsion faoliyatini qо‘llab-quvvatlash mexanizmlarini yaratish hamda ilg‘or xalqaro texnologiyalar transferini amalga oshirish; 

oliy ta’limdan keyingi ta’lim tizimini samarali tashkil etish;

“Xalqaro doktorantura” dasturini ishlab chiqish va samarali amalga oshirish;

universitetdagi ilmiy darajalar beruvchi ilmiy Kengashlar sonini oshirish.

universitetni “QS” va “THE” xalqaro reyting agentliklari rо‘yxatiga kirishga tayyorlash;

universitet olimlarini xalqaro miqyosdagi nufuzini oshirish; 

universitet jurnallarini xalqaro umume’tirof etilgan ilmiy-texnik bazalaridagi indeksatsiyasiga tayyorlash.

iqtidorli yoshlarni ilmiy-tadqiqot faoliyatiga maqsadli tayyorlash uchun “Istiqbolli yosh olimlar” strategik dasturini ishlab chiqish va samarali amalga oshirish; 

universitetdagi iqtidorli talabalar, innovatorlar va xalqaro tanlov g‘oliblari sonini 3 baravar oshirish.

xodimlar shtatidagi takrorlanuvchi  vazifalarni bartaraf etish asosida universitet tuzilmasini maqbullashtirish natijasida 30%ga xarajatlarni kamaytirish;

texnik va xizmat kо‘rsatuvchi xodimlar shtatlarini optimallashtirib, shartnoma asosida operativ va kam xarajat talab etadigan autsorsing xizmatlariga berishni yо‘lga qо‘yish;  

noan’naviy ta’lim tizimlari, blended learning, webinar texnologiyalarini keng joriy etish orqali о‘quv yuklamalarni kamaytirish hamda professor-о‘qituvchilarning shtatlar sonini optimallashtirish natijasida 2022-2023 о‘quv yilida 7,7 mlrd.sо‘m mablag‘ni tejash hamda 2026 yilgacha tejaladigan mablag‘ni 11,0 mlrd.sо‘mga yetkazish; 

universitet asosiy xarajatlarini 2023 yilda 141,3 mlrd. sо‘mdan 121,3 mlrd. sо‘mgacha kamaytirish. 2026 yilga borib universitet yillik xarajatlarini 50 mlrd. sо‘mgacha qisqartirish choralarini kо‘rish.

universitetda mavjud infratuzilmalardan tadbirkorlik maqsadlarida samarali foydalanish orqali daromad manbalarini 2023-2026 yillar mobaynida 20 mlrdga sо‘mga yetkazish;

servis xizmatlar kо‘rsatish faoliyatini tizimli yо‘lga qо‘yish natijasida qо‘shimcha daromad manbasini shakllantirish;

xorijiy tajriba, kadr iste’molchilari va mehnat bozori talablaridan kelib chiqib yangi ta’lim yо‘nalishlari va mutaxassisliklarni ochish;

universitetda mavjud ta’lim yо‘nalishlari va mutaxassisliklardan kelib chiqib bitiruvchilarga iste’molchilar tomonidan buyurtma berish tizimini yо‘lga qо‘yish;

mahalliy hamda xorijiy OTMlar tо‘lov-kontrakt mablag‘lari, yaratilgan imkoniyatlar tahlili asosida universitetda mavjud ta’lim yо‘nalishlari va mutaxassisliklar uchun eng maqbul tо‘lov-kontrakt miqdorlarini belgilash;

universitetda daromad manbalarini kо‘paytirish hamda ta’lim infratuzilmasini takomillashtirish bо‘yicha doimiy marketing tadqiqotlar о‘tkazish natijasida pullik xizmat kо‘rsatish kо‘lamini kengaytirish orqali 2026 yilgacha 15-20 mlrd. sо‘m daromad olish;

     

xodim va talabalarning universitet Odob-axloq Kodeksiga 100% amal qilishini ta’minlash;

bitiruvchilar, xodimlar, professor-о‘qituvchilar va talabalarni birlashtiruvchi TRANSPORT UNIVERSITETI brendini rivojlantirish orqali universitet obrо‘si va jozibadorligini oshirish hamda ijobiy imijini shakllantirish;

universitet sayti va ijtimoiy tarmoqlardagi sahifalarini zamon talablariga mos ravishda takomillashtirish;

musiqiy cholg‘u asboblarini chalishni biladigan talabalar sonini 600 nafar, baxshichi yoshlar sonini 10 nafarga yetkazish;

har bir bitiruvchini kamida 20ta teatr, muzey va madaniyat obyektlariga tashriflarini uyushtirish orqali san’at va madaniyatga mehrini uyg‘otish;

loyihalash, tadqiqot va illyustratsiya dasturlaridan foydalanishni biladigan talabalar ulushini 20%ga yetkazish;

“Chavandozlar maktabi” orqali ot sporti bilan shug‘ullanuvchi talabalar ulushini oshirib borish; 

har bir bitiruvchi talabani kamida 100ta badiiy kitob о‘qishini ta’minlash.

talabalarning 100%ini “Alpomish va Barchinoy” sport sinovlarini topshirishlariga erishish;

sport turlari bilan muntazam shug‘ullanuvchi talabalar sonini 1000 nafarga yetkazish;

universitet fakultetlarining doimiy havaskor sport komandalarini shakllantirish; 

Toshkent shahridagi tumanlardagi 531ta mahalladagi ijara xonadonlari ma’lumotlarini talabalarni yashash joylarini monitoring tizimiga kiritish;

talabalarning “Volontyorlik klubi”, intellektual klublar, Ekoklub faoliyatini tashkil etish orqali yoshlarning faolligini oshirish, ularda jamiyat rivojlanishiga daxldorlik hissini kuchaytirish; 

universitet boshqaruv tuzilmasida yoshlar sonini 10 nafarga yetkazish. 

qо‘shni xorijiy davlatlarda ta’lim xizmatlarini kо‘rsatish maqsadida universitet filiallarini ochish; 

yirik va о‘rta xorijiy kompaniyalarni ta’lim jarayoniga jalb etish, amaliyotlarni tashkil etish orqali universitet bitiruvchilarini xorijda bandligini ta’minlash;

universitetning xorijda faoliyat kо‘rsatayotgan bitiruvchilari Assotsiatsiyasini tashkil etish.

qо‘shma ta’lim dasturlari sonini 2023 yilda 7 ta, 2024 yilda 

10 ta, 2025 yilda 13 ta, 2026 yilda 15 taga yetkazish; 

xorijiy ilg‘or OTMlarga universitet pedagoglaridan 2023 yilda 30 nafar, 2024 yilda 40 nafar, 2025 yilda 50 nafar, 2026 yilda 

60 nafarini maqsadli doktoranturaga yuborish; 

professor-о‘qituvchilarni xorijiy OTMlarga stajirovka va malaka oshirish dasturlari doirasida 2023 yilda 80 nafar, 2024 yilda 120 nafar, 2025 yilda 160 nafar, 2026 yilda 200 nafarga yetkazish;

nufuzli xorijiy OTM va kompaniyalardan 2023 yilda 35 nafar, 2024 yilda 50 nafar, 2025 yilda 65 nafar va 2026 yilda 80 nafar professor-о‘qituvchilar va mutaxassislarni jalb etish;

universitetda xorijiy talabalar sonini 2023 yilda 50 nafar, 2024 yil 100 nafar, 2025 yilda 150 nafar, 2026 yil 200 nafarga yetkazish.