TDTU

Temir yo‘l transporti muhandisligi

Fakultet tarixi

Respublika transport sohasi uchun yuqori malakali kadrlarni tayyorlash tizimini ilg‘or xorijiy tajriba va xalqaro standartlar asosida tubdan takomillashtirish, o‘quv jarayoniga o‘qitishning innovatsion shakl va metodlari hamda zamonaviy pedagogik va axborot texnologiyalarini keng joriy etish, shuningdek, tarmoq ta’lim muassasalarining moddiy-texnika bazasini mustahkamlash va ilmiy salohiyatini yanada oshirish maqsadida, 04.05.2020da qabul qilingan “Transport sohasida kadrlar tayyorlash tizimini tubdan takomillashtirish chora-tadbirlari to‘g‘risida”gi O‘zbekiston Respublikasi prezidentining qarori asosida Toshkent davlat transport universiteti tashkil etildi. Universitet tarkibi qayta shakllantirilib, bir qancha fakultetlar tashkil etildi. “Temir yo’l transporti muhandisligi” fakultetiga texnika fanlar nomzodi, dotsent D.O. Radjibayev fakultet dekani etib tayinlandi.

Fakultet tarkibida beshta kafedra muvaffaqiyatli faoliyat yuritib kelmoqda. Bular “Vagonlar va vagon xo’jaligi”, “Lokomotivlar va lokomotiv xo’jaligi”, “Materialshunoslik va mashinasozlik”, “Yuqori tezlikdagi elektr harakat tarkibi” va “Tabiiy fanlar” kafedralari ixtisoslashgan mutaxassislar tayyorlovchi kafedralar bo‘lib, mazkur kafedralarda 100 nafarga yaqin professor-o‘qituvchilar faoliyat yuritayotgan bo‘lib, ularning 30 foizdan ko‘prog‘ini ilmiy unvon va darajaga ega, yetuk pedagog-olimlar tashkil etadi. Fakultet respublikamiz temir yo‘l transporti va iqtisodiyotning boshqa sohalari uchun to’rtta yo‘nalish “Transport vositalari muhandisligi (turlari bo’yicha)”, “Mashinasozlik texnologiyasi, mashinasozlik ishlab chiqarishini jihozlash va avtomatlashtirish”, “Materialshunoslik va yangi materiallar texnologiyasi (temir yoʼl transporti)” va “Texnologik mashinalar va jihozlar (temir yoʼl transporti)” yo’nalishlari bo‘yicha bakalavrlar va “Temir yo’l transporti (transport turlari bo’yicha)”, “Vagonsozlik”, “Elektr poyezdlar”, “Tezyurar elektropoyezdlar” va “Texnologik mashinalar va jihozlarga texnik xizmat ko’rsatish (temir yo’l transporti)” mutaxassisliklarii bo‘yicha magistrlar tayyorlab kelmoqda. Tahsil olayotgan talabalar soni 1600 nafardan ziyod.

Oliy va o’rta maxsus ta’lim vazirligi, universitet fondi hamda “O‘zbekiston temir yo‘llari” AJ tomonidan berilayotgan moliyaviy ko‘mak evaziga, fakultet tasarrufidagi o‘quv-laboratoriyalar zamonaviy tarzda jihozlanmoqda va xar tomonlama mutaxassislar tayyorlashga qo‘yiladigan barcha talablarga javob beradigan darajaga keltirilmoqda. Xozirda fakultet professor-o‘qituvchilarining asosiy diqqat e’tibori mazkur yo‘nalishlar bo‘yicha tayyorlanayotgan mutaxassislar “sifati”ni yanada yaxshilashga qaratilgan. Buning uchun fakultetda talabalar o‘rganadigan 80 dan ziyod fanlar uchun ma’ruza matnlari, o‘quv va ishchi dasturlar, amaliyot mashg‘ulotlari, kurs loyiha ishlari, barcha turdagi amaliyotlar, malakaviy bitiruv ishlari va magisterlik dissertatsiyalari uchun uslubiy ko‘rsatmalar ishlab chiqilgan. O‘quv jarayonida ilg‘or pedagogik texnologiyalar, interaktiv ta’lim usullardan keng foydalanilmoqda. Mustaqil va kurs loyiha ishlari, bitiruv malakaviy ishlarni bajarishda informatsion texnologiya vositalaridan keng foydalanib kelinmoqda. Fakultet faoliyati yagona maqsadga, temir yo‘l transporti uchun etuk kadrlar tayyorlash markazi bo‘lish va sohaning mehnat bozorini malakali mutaxassislar bilan ta’minlashga qaratilgan.